नाशिक | Nashik
शहरातील द्वारका-आडगाव उड्डाणपुलावर (Dwarka-Adgaon Flyover) आयशर-कंटेनरमध्ये भीषण अपघात (Terrible Accident) झाल्याची घटना घडली असून या अपघातात मायलेकींचा दुर्दैवी मृत्यू (Death) झाला आहे. त्यामुळे परिसरात हळहळ व्यक्त होत आहे...
याबाबत मिळालेल्या माहितीनुसार, द्वारका ते आडगाव या उड्डाणपुलावर एक आयशर हा बंद अवस्थेत उभा होता. यावेळी इगतपुरीहून धुळ्याच्या (Igatpuri to Dhule) दिशेने जाणाऱ्या कंटेनरने आयशरला पाठीमागून जोरदार धडक दिली. या धडकेत कंटेनर चालकासोबत ड्रायव्हर सीटच्या बाजूला बसलेल्या मायलेकींचा दुर्दैवी मृत्यू झाला. तर कंटेनर चालक गंभीर जखमी झाला.
दरम्यान, घटनेची माहिती मिळताच पंचवटी पोलीस स्टेशनचे (Panchvati Police Station) पोलीस घटनास्थळी दाखल झाले. त्यानंतर त्यांनी अपघाताचा पुढील तपास सुरु केला. तर जखमी कंटेनर चालकाला पुढील उपचारासाठी (Treatment) खाजगी रुग्णालयात दाखल करण्यात आले आहे.