<p><strong>नवीन नाशिक | Nashik</strong></p><p>वावरे नगर परिसरात एका गादीच्या दुकानाला आग लागून संपूर्ण माल जळून खाक झाल्याची घटना घडली.</p>.<p>याबाबत सविस्तर माहिती अशी की, वावरे नगर परिसरातील जी एम गादी सेंटर या दुकानाला दुपारी २ वाजेच्या सुमारास शॉर्टसर्किटमुळे आग लागली.</p><p>या आगीत दुकानातील साहित्य जळून खाक झाले. हे दुकान एका मोठ्या कॉम्प्लेक्समध्ये असल्याने आगीमुळे दुकानाच्या वर असलेल्या कार्यालयाच्या काचा देखील तडकल्या.</p><p>या घटनेची माहिती समजताच सातपूर अग्निशामन दलाचे प्रदीप परदेशी, विजय मुसळे, ताराचंद सूर्यवंशी, अशोक मोरे, महेश बागुल, बाळू पवार आदींच्या पथकाने घटनास्थळी हजर होऊन अवघ्या काही मिनिटातच आग आटोक्यात आणली.</p><p>या आगीत सुमारे अडीच लाखाचे सामान जळून खाक झाल्याचा प्राथमिक अंदाज वर्तविण्यात आला.</p>
