<p><strong>देवळाली कॅम्प । Deolali Camp (वार्ताहर) :</strong></p><p>करोनाच्या वाढत्या पार्श्वभूमीवर जिल्हाधिकारी सुरज मांढरे यांनी जिल्यात शनिवार व रविवार अत्यावश्यक सेवा वगळून इतर सर्व दुकान आणि व्यवहार बंद ठेवण्याचा निर्णय घेतला त्याचे पडसाद भगूर मध्ये काल उमटले अडून काटेकोर पणे अंमलबजावणी झाल्याचे दिसून आले.</p>.<p>प्रशासनाने दिलेल्या आदेशानुसार आज भगूर शहरातील मुख्य बाजारपेठा बंद असल्याचे दिसून आले भगूर शहरातील व्यापाऱ्यांनी देखील आपली जबाबदारी ओळखून स्वयंस्फूर्तीने दुकाने बंद ठेवल्याचे चित्र पाहायला मिळत आहे.</p>.<p>नेहमीच गजबजलेलं भगूर बस स्टॉप परिसर, भगूर मेन रोड परिसर, सुभाष रोड, शिवाजी चौक, मंदिरे प्रार्थनास्थळे आणि इतर आस्थापना बंद असल्यान सर्वत्र शांतता व शुकशुकाट पाहायला मिळाले.</p>.<p>अत्यावश्यक सेवेच्या काही औषधे दुकाने वगळता सर्वत्र उत्स्फूर्त कडकडीत बंद पाळण्याचे लक्षात येत आहे. तसे भगूर प्रशासनाच्या वतीने कालच शहरात सर्वत्र लाऊडस्पीकर वरून सूचना देण्यात आल्या होत्या.</p>
