<p><strong>इंदिरानगर । वार्ताहर Indira Nagar</strong></p><p>इंदिरानगर,ता.22 आज सकाळी झालेल्या प्रकाराची गंभीर दखल घेत पोलिसांनी साथीचा रोग असताना जमाव गोळा करून पोलीस ठाण्यात येणे. त्या अनुषंगाने निष्काळजी पणाने आजार पसरवणे बाबत आमदार प्रा देवयानी फरांदे यांच्यासह पंधरा ते वीस महिला आणि पुरुषांसह सुमारे २०० जणांवर २६९ , २७० आणि 188 कलमान्वये रात्री उशिरा गुन्हा दाखल केला आहे.</p>.<p>वडाळा गावातील डॉ मुश्ताक शेख यांच्या दवाखान्यात तोडफोड करून त्यांना मारहाण करणारा संशयित आरोपी ईरफान शेख उर्फ चिपडयास पोलिसांनी वडाळा गावातून अटक केली. अटक का केली याची विचारणा करण्यासाठी आमदार देवयानी फरांदे यांच्या नेतृत्वाखाली इंदिरानगर पोलीस ठाण्यावर सुमारे 200 महिलांचा मोर्चा आणला पोलिसांनी कारवाई करण्याची सूचना केल्यावर मोर्चे करांनी तेथून काढता पाय घेत निघून गेल्या.</p><p>वडाळा गावातील सादिक नगर येथील विवाहित महिलेचा विनयभंग केला म्हणून डॉ शेख यांच्यावर विनयभंगाचा गुन्हा दाखल करण्यात आला होता. तसेच डॉक्टर शेख यांनी दिलेल्या फिर्यादीनुसार इरफान शेख व त्यांच्या साथीदारांनी त्यांच्या दवाखान्यात घुसून तोडफोड करत त्यांना मारहाण करण्यात आली म्हणून परस्परविरुद्ध इंदिरानगर पोलीस ठाण्यात गुन्हा दाखल करण्यात आला होता.</p><p>मंगळवार (दि 22) रोजी सकाळी 11 वाजेच्या सुमारास संशयित आरोपी इरफान यास अटक करण्यासाठी वरिष्ठ पोलीस निरीक्षक निलेश माईनकर सेवकांसह सादिक नगर येथे गेले असता पोलिसांना पाहून तो पळू लागला पोलिसांनी त्याचा पाठलाग करून ताब्यात घेतले आणि पोलिस ठाण्यात आणले त्यावेळी कुठलीही पूर्व सुचना न देता पोलीस ठाण्यावर परिसरातील सुमारे दोनशे महिलांनी पोलिस ठाण्यावर मोर्चा आणला संशयित आरोपी इरफान यास अटक का केली म्हणूण पोलिसांना विचारणा केली.</p><p>घटनेची माहिती मिळताच पोलीस उपायुक्त विजय खरात सहाय्यक आयुक्त अशोक नखाते पोलिसांचा फौजफाटा घेऊन त्वरित इंदिरानगर पोलीस ठाणे येथे आले. त्यावेळी पोलिसांनी जमावास ध्वनीक्षेपणावदारे निवेदन करत तुम्ही कायद्याचे उल्लंघन करत असून तातडीने निघून जावे अन्यथा कारवाई करण्यात येईल असा इशारा देण्यात येत होता आणि मोर्चेकर्यांचे शंकाचे निरसन झाल्यावर जमावाने तेथून काढता पाय घेतला मोर्चात आमदार देवयानी फरांदे यांच्यासह सुमारे 200 नागरिक उपस्थित होते.</p><p><em>विनयभंग व मारहाण प्रकरणी परस्परा विरोधात गुन्हे दाखल करण्यात आले होते. त्यातील विनयभंग प्रकरणातील संशयित आरोपी डॉ शेख यांना आम्ही ताब्यात घेतले आहे तसेच मारहाण प्रकरणातील संशयित आरोपी इरफान शेख याला देखील ताब्यात घेण्यात आले आहे इरफानला का अटक केली अशी विचारणा करण्यासाठी सुमारे दोनशे महिलांनी पोलीस ठाण्यावर मोर्चा काढला त्याची पूर्वकल्पना असल्याने वेळीच वरिष्ठाना माहिती देत बंदोबस्त वाढविण्यात आला. तसेच मोर्चेकर्यांच्या शंकाचे निराकरण करण्यात आले</em></p><p><em><strong>- वरिष्ठ पोलीस निरीक्षक नीलेश माईनकर</strong></em></p><p><em>.</em></p>
