मालेगावी फिरणार उद्योगाची चाके; जलदगतीने पूर्ण करण्यात आलेली विशेष एमआयडीसी

मालेगावी फिरणार उद्योगाची चाके; जलदगतीने पूर्ण करण्यात आलेली विशेष एमआयडीसी

मुंबई | प्रतिनिधी Mumbai

मालेगाव (Malegaon) हे जलदगतीने उभारण्यात आलेली विशेष एमआयडीसी (Special MIDC) असून, याअंतर्गत असलेली प्रलंबित कामे तातडीने पूर्ण करण्यात यावीत. येथील उद्योग प्रकल्प तातडीने सुरू करण्याबाबत सर्वतोपरी सहकार्य करण्यात येईल. उद्योग नियमावली प्रमाणे वस्त्रोद्योग पार्क (Power loom park) व अजंग प्रकल्पांसाठी (Ajang Project) भूखंड वाटपाच्या दरास मार्चपर्यंत मुदतवाढ देण्यात यावी असे उद्योग मंत्री सुभाष देसाई (Subhash Desai) यांनी कृषी मंत्री दादाजी भुसे यांच्यासमवेत झालेल्या बैठकीत सांगितले....

मंत्रालयात नाशिक, मालेगाव येथील अजंग-रावळगाव (Ajang Ravalgaon industrial area) औद्योगिक वसाहत टप्पा क्रमांक ३ येथील प्रलंबित कामाबाबत बैठकीचे आयोजन करण्यात आले होते. या बैठकीस एमआयडीसीचे मुख्य कार्यकारी अधिकारी डॉ पी. अन्बलगन (MIDC CEO Dr P Anbalgan), सहसचिव संजय देगांवकर (Sajay Deogaonkar), उप मुख्य कार्यकारी अधिकारी संजय काटकर (Sanjay Katkar), अवर सचिव किरण जाधव (Kiran Jadhav) यांच्यासह अधिकारी उपस्थित होते.

एमआयडीसीअंतर्गत असलेल्या समस्या कृषीमंत्री दादाजी भुसे (Agriculture Minister Dadaji Bhuse) यांनी यावेळी मांडल्या. त्यांनी मालेगाव येथील उद्योजकांसाठी केलेल्या प्रयत्नांना सकारात्मक प्रतिसाद मिळाला. असल्याची माहिती यावेळी देण्यात आली.

मालेगाव एमआयडीसी अंतर्गत अजंग गाव ते औद्योगिक वसाहत पोहोच रस्त्यांच्या कामासंदर्भातील कार्यवाही एका महिन्यात पूर्ण करावी. तसेच अभिन्यांसातील अंतर्गत रस्ते तयार करण्यात यावेत. वस्त्रोदद्योग पार्क व अजंग टप्पा क्रमांक ३ भुखंड वाटपाच्या रू ६०० प्रति चौमी या दरास मार्चपर्यंत मुदतवाढ देण्यात यावी. यानंतर ७९० प्रमाणे दर करण्यात यावेत.

जे प्रकल्प काम सुरू करत आहेत त्यांना तात्पुरत्या पाण्याची व्यवस्था करण्यासाठी पाणीपुरवठा योजना क्रमांक दोन साठी तांत्रिक मंजुरी तसेच निवीदा प्रक्रियेची प्रक्रिया करण्यात यावी. वीजेसंदर्भातही सध्या तात्पुरत्या स्वरूपात वीज व्यवस्था करून ऊर्जा विभागासोबत पाठपुरावा करून वीजेसाठी उपस्टेशन कार्यान्वीत करावेत. प्लास्टिक, वस्त्रोद्योग, फुड व इतर उद्योगांसाठी सुधारित अभिन्यास मान्यता देण्यासंदर्भात कार्यवाही करावी.

- उद्योग मंत्री देसाई

Related Stories

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com