<p><strong>सातपूर | प्रतिनिधी </strong></p><p>आज सकाळी दुडगाव शिवारात बिबट्या वनविभागाने लावलेल्या पिंजऱ्यात जेरबंद झाला. गेल्या आठ दिवसांपासून या बिबट्याने वासाळी, दुडगाव भागात धुमाकूळ घातला होता. एक बैलही त्याने फस्त केल्याची घटना घडली होती...</p>.<p>यानंतर येथील रंगनाथ बेजेकर यांच्या मळ्यात पिंजरा लावण्यात आला होता. या पिंजर्यातील भक्ष्याच्या आशेने बिबट्या मध्यरात्री पिंजर्यात अडकला.</p><p>बिबट्या पिंजऱ्यात अडकल्याचे पाहताच नागरिकांनी वनविभागाला कळवले. वनविभागाचे अधिक्षक विवेक भदाणे यांच्या मार्गदर्शनाखाली वन विभागाचे अधिकारी देशपांडे, सचिन अहिरे यांनी बिबट्याला ताब्यात घेऊन त्याची नर्सरीत रवानगी केली.</p>
