<p><strong>निफाड । Niphad </strong></p><p>बेरवाडी ते सावळी शिवारात सोमवारी लांडोर वेगळाच आवाज देत असल्याने व तिची होणारी घालमेल बघता येथील संजीव गिरी यांना सदर लांडोरीचा जोडीदार मोर हा काटेरी बाभळीच्या झाडावर अडकून पडल्याचे व या मोराची सुटका करण्यासाठी लांडोरची घालमेल त्यांना दिसून आली. </p> .<p>परिणामी तेथील नागरिकांनी झाडाच्या फांद्या तोडून मोराची सुटका केल्याने मोर व लांडोर यांचे एकमेकावर असलेले प्रेम या संकटकाळात केलेल्या मदतीने अधिक अधोरेखित होऊन त्याचीच चर्चा परिसरात रंगली.</p><p>‘एक दुजे के लिये’या चित्रपटाला शोभावे असेच कथानक बेरवाडी शिवारात घडले. भक्ष्य शोधण्याच्या नादात मोर उडत-उडत बाभळीच्या झाडावर जाऊन बसला अन् झाडावरतीच अडकून पडला. मोर अडकल्याचे कळताच लांडोर ने वेगवेगळे आवाज काढत मदतीचा धावा केला. या आवाजाच्या दिशेने गावातील काही नागरिक रेस्क्यू साठी निघाले.</p><p>परिणामी लांडोर पुढे व सदर नागरिक पाठीमागे चालत चालत बाभळीच्या झाडापर्यंत गेले. तेथे गेल्यावर त्यांना मोर झाडावर अडकून पडल्याचे दिसले. यावेळी त्यांनी झाडाच्या फांद्या तोडून मोराची सुटका केली.</p><p>दरम्यान वर्षभरापूर्वी देखील संजीव गिरी आणि त्यांच्या कुटुंबियांनी मोर व लांडोर या जोडीला दाणा-पाणी केल्याने त्यांनी आता इथेच आपले बस्तान बसविले. दोघेेही येथील माणसात आता मिसळून गेले आहे. एकमेकांवर जिवापाड प्रेम करणारे आणि संकटात जोडीदाराच्या मदतीला धाऊन जाणार्या मोर व लांडोरची चर्चा संपूर्ण बेरवाडी व सावळी शिवारामधील नागरिकांमध्य चर्चो रंगली आहे.</p>
