नाशिकरोड । प्रतिनिधी Nashikroad
मध्य रेल्वेने कोल्हापुर-दौंड - मनमाड येथून विशेष किसान पार्सल ट्रेन चालविण्याचा निर्णय घेतला आहे.
देशातील पहिली किसान पार्सल ट्रेन नुकतीच देवळाली ते मुजफ्फरपूर दरम्यान सुरु झाली. त्या गाडीशी ही गाडी लिंक केली जाईल.
कोल्हापुर-मनमाड लिंक विशेष किसान पार्सल गाड़ी कोल्हापुरहून २१ ऑगस्ट ते २५ सप्टेंबरपर्यंत प्रत्येक शुक्रवारी सकाळी 0५.३० वाजता सुटेल. त्याच दिवशी १८.२५ वाजता मनमाडला पोहोचेल.
अप मनमाड-कोल्हापुर लिंक विशेष किसान पार्सल गाड़ी मनमाडहून २३ आगस्ट ते २८ सप्टेंबरपर्यंत प्रत्येक सोमवी २०.00 वाजता सुटेल आणि दुस-या दिवशी कोल्हापुरला पोहोचेल.
या गाडीला मिरज, सांगोला,पंढरपूर, कुर्दुवाडी, दौंड, नगर, मनमाड नंतर देवळाली मुजफ्फरपूर- किसान पार्सल गाडीप्रमाणेच थांबे असतील.