<p><br><strong>नाशिक | Nashik</strong></p><p>गंगापूर रोडवरील एका लॉन्समधून चोरट्याने नवरदेवाच्या आईची पर्स चोरुन त्यातील दागिने व रोख रक्कम असा 1 लाख 16 हजारांचा मुद्देमाल चोरुन नेला आहे. </p> .<p>याप्रकरणी गंगापूर पोलीस ठाण्यात चोरट्याविरुद्ध गुन्हा दाखल करण्यात आला आहे. विलास ताजने (रा. साई राम नगर, ओझर मिग, नाशिक ) यांनी दिलेल्या फिर्यादीनुसार त्यांच्या मुलाचा विवाह दि. 17 डिसेंबर 2020 रोजी गंगापूर रोडवरील कवडे गार्डन लॉन्स येथे होता.</p><p>यावेळी त्यांच्या पत्नी कमल या मुलाच्या लग्नात आलेल्या भेटवस्तूंजवळ बसलेल्या असताना त्यांनी हातातील पर्स जवळील खुर्चीवर ठेवली, त्याचवेळी अज्ञात चोरट्याने संधी साधून ही पर्स लांबविली.</p><p>या पर्समध्ये एक मोबाईल, एक लाख 6 हजार रुपयांची रक्कम, 10 हजार रुपयांची सोन्याची पोत व काही महत्त्त्वाचे कागदपत्रे असा एकूण 1 लाख 16 हजार रुपयांचा मुद्देमाल लंपास केला. याप्रकरणी पोलीस नाईक भडिंगे तपास करत आहेत.</p>
