<p><strong>सातपूर l Satpur (प्रतिनिधी)</strong></p><p>नाशिक सायकलीस्ट फाउंडेशनच्यावतीने 155 किलो अन्नदान, प्रौढ, मानसिक व दिव्यांग मुलींसाठी कार्यरत असणाऱ्या पिंपळगाव बहुला येथील घरकुल परिवार संस्थाकडे सुपूर्त केले.</p>.<p>नाशिक सायकलिस्ट फाउंडेशनच्यावतीने सायकल-री-सायकल या उपक्रमाअंतर्गत आज वनवासी कल्याण आश्रम या संस्थेला गृही व कनाशी या सुरगाणा तालुक्यातील मुलींना शाळेत जाण्यासाठी, 10 सायकली सुपूर्त केल्या.</p><p>डॉ. भरत केळकर (अध्यक्ष, वनवासी कल्याण आश्रम, महाराष्ट्र) यांनी या उपक्रमाचे कौतुक केले व सायकलिस्ट सदस्यांना गृहि येथील प्रकल्पास सायकलवर भेट देण्याचे आमंत्रण दिले, जेणेकरून ग्रामीण भागातील मुलांना सायकलिंगची प्रेरणा मिळेल.</p><p>अल्ट्रा सायकलिस्ट ओम महाजनच्या कौतुकास्पद कामगिरीबद्दल, नाशिक सायकलिस्टच्या वतीने शालेय विद्यार्थ्यांना प्रेरणादायी पुस्तकांचा संच ओम महाजनच्या हस्ते सुपूर्त केला. वनवासी कल्याण आश्रमला तीन प्रेरणादायी पुस्तकांचा सेट देण्यात आला.</p><p>तसेच माध्यमिक शाळा कोशिंबे, तालुका दिंडोरी या शाळेसाठी 41 पुस्तकांचा सेट संजय पवार यांच्याकडे सुपूर्त केला.</p><p>घरकुल परीवार संस्थेच्या संचालिका विद्या फडके यांनी नाशिक सायकलिस्ट परिवाराकडून, अत्यंत उपयोगी साहीत्य भेट मिळाल्याबद्दल आभार व्यक्त केले.</p><p>नाशिक सायकलिस्ट फाऊंडेशनचे अध्यक्ष राजेंद्र वानखेडे यांनी नाशिक सायकलिंस्टच्या विविध उपक्रमाची माहिती याप्रसंगी दिली.</p><p>या कार्यक्रमास सेक्रेटरी डॉ. मनीषा रौंदळ, खजिनदार रवींद्र दुसाने, डॉ. महेंद्र महाजन, किशोर माने, सुरेश डोंगरे, माधुरी गडाख, संजय पवार, शैलजा जैन, बलभीम कांबळे हे उपस्थित होते.</p>
