दिवाळीच्या आत शेतकऱ्यांच्या खात्यावर पैसे जमा करा : पालकमंत्री

दिवाळीच्या आत शेतकऱ्यांच्या खात्यावर पैसे जमा करा : पालकमंत्री

येवला | प्रतिनिधी | Yeola

अतिवृष्टीमुळे (Heavy Rain) नुकसान झालेल्या शेतकऱ्यांना (Farmers) ४१.४३ लक्ष मदत प्राप्त झाली असून अधिकाऱ्यांनी दिवाळीच्या (Diwali) आत मदत शेतकऱ्यांच्या खात्यावर वर्ग करून लाखांचा पोशिंदा म्हणून ओळख असलेल्या शेतकऱ्यांची दिवाळी गोड करावी, अशा सूचना राज्याचे अन्न, नागरी पुरवठा व ग्राहक संरक्षण मंत्री तथा नाशिकचे पालकमंत्री छगन भुजबळ (Chhagan Bhujbal) यांनी दिल्या आहेत...

ते आज येवला कृषी उत्पन्न बाजार समिती (Yeola APMC), अंदरसूल उपबाजार येथील नूतन कार्यालयाच्या उद्घाटनाप्रसंगी बोलत होते. यावेळी आमदार नरेंद्र दराडे, जिल्हा परिषद कृषी सभापती संजय बनकर, बाजार समितीचे प्रशासकीय सभापती वसंत पवार, जिल्हा परिषदेचे माजी अध्यक्ष राधाकिसन सोनवणे, मायावती पगारे, जिल्हा परिषद सदस्य महेंद्र काले, अरुण थोरात अंदरसुल बाजार समितीचे मकरंद सोनवणे, संचालक किसनराव धनगे, विश्वासराव धनगे, प्रमोद पाटील, साहेबराव आहेर, मधुकर साळवे,

समीर देशमुख, ज्ञानेश्वर दराडे, शरद शिंदे, प्रेमलता अट्टल, सुवर्णा सोनवणे, राजेंद्र शेलार, बाळासाहेब आवारे, जयाजी शिंदे, गणपत भवर, चंद्रकांत शिंदे, वाल्मिक गोरे, भानुदास जाधव, ज्ञानेश्वर शेवाळे, रतन बोरणारे, सचिन कळमकर, नवनाथ काळे, बाळासाहेब गुंड, नगरसेवक दीपक लोणारी, सहायक निबंधक पाटील, प्रांताधिकारी सोपान कासार, गटविकास अधिकारी उमेश देशमुख आदी उपस्थित होते.

यावेळी पालकमंत्री छगन भुजबळ म्हणाले की, करोनामुळे (Corona) गेले दोन वर्षे कामांना अडचणी होत्या. त्या आता दूर झाल्यापासून कामांना पुन्हा एकदा गतीने सुरुवात झाली आहे. परंतु करोना अद्याप संपलेला नाही त्यासाठी आवश्यक ती पाऊले उचलली जात आहेत. नागरिकांनीही योग्य खबरदारी घेवून सहकार्य करावे. करोनाकाळात अन्न, धान्याची कमतरता आपण पडू दिली नाही. यासाठी माथाडी कामगारांनी महत्वाची भूमिका बजावली असल्याचे पालकमंत्री भुजबळ यांनी यावेळी सांगितले.

ते म्हणाले की, बाजार समितीत जमा होणारा महसूल हा विकासासाठी व शेतकरी हितासाठी खर्च करण्यात यावा. उत्तम पद्धतीने महसूल गोळा करावा आणि उदार मनाने शेतकऱ्यांसाठी खर्च करावा. सर्वांना अतिशय जागरूक राहून काम करण्याची आवश्यकता आहे.

जीएसटीची मोठी रक्कम केंद्र सरकारकडे (Central Government) जमा होत असून राज्याच्या हिश्श्याची येणे असलेली रक्कम राज्य शासनास केंद्र सरकारकडून मिळेल तेव्हा मिळेल .परंतु त्यातूनही मार्ग काढत विकास कामे केली जात आहेत, व भविष्यातही शासन करत राहील असे सांगून शेतकरी कष्टकरी व नागरिकांना दिवाळीच्या शुभेच्छा यावेळी पालकमंत्री भुजबळ यांनी दिल्या.

Related Stories

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com