जुने नाशिक l Old Nashik (प्रतिनिधी)-
अत्यंत दाट वस्ती असलेल्या वडाळा गाव प्रभाग क्रमांक 30 मधील साठेनगर भागात असलेल्या भंगार प्लास्टिकच्या गोदामाला पावणे दहा वाजेच्या सुमारास भीषण आग लागली आहे.
आगीने रुद्र रूप धारण करून पाच-सहा गोदामाला आपल्या विळख्यात घेतले आहे. माहिती मिळताच अग्निशामक दलाचे जवान दाखल झाले. स्थानिक तरुणांच्या मदतीने आग बुजवण्याचे काम युद्धपातळीवर सुरु होते. एक तासाच्या अथक परिश्रमानंतर आग आटोक्यात आल्याचे समजते.