लासलगांव बाजार समिती सेवकांना आरोग्य विमा कवच

लासलगांव बाजार समिती सेवकांना आरोग्य विमा कवच

लासलगांव | वार्ताहर

कोवीड-19 व इतर सर्व प्रकारच्या आजारांवरील उपचारासाठी लासलगांव बाजार समितीने कायमस्वरूपी व रोजंदारीवर असलेल्या कर्मचा-यांचा आरोग्य विमा काढला असल्याची माहिती बाजार समितीच्या सभापती सुवर्णा जगताप यांनी दिली.

बाजार समितीच्या लासलगांव मुख्य, निफाड व विंचुर उपबाजार आवारांवर तसेच तात्पुरत्या खरेदी-विक्री केंद्रांवर कामकाज करणारे कायमस्वरूपी व रोजंदारीवरील सेवक यांच्या आरोग्याच्या दृष्टीने त्यांना कोवीड-19 व इतर सर्व प्रकारच्या आजाराच्या उपचारासाठी कोणतीही आर्थिक व्यवस्था नसल्याने उपचारासाठी पैशांची निकड भासु नये ही बाब विचारात घेऊन बाजार समितीमार्फत सर्व 141 कर्मचा-यांचा स्टार हेल्थ अलाईड इन्शुरन्स कंपनीकडुन आरोग्यविमा काढला असल्याचे जगताप यांनी सांगितले.

बाजार समितीच्या कायमस्वरूपी सेवकांना पाच लाख रकमेपर्यंत व रोजंदारीवरील सेवकांना तीन लाख रकमेपर्यंत वैद्यकीय उपचारासाठी मदत मिळणार आहे.

ही विमा पॉलिसी ही कॅशलेस असुन नाशिक जिल्ह्यासह महाराष्ट्रातील नामांकीत रूग्णालयात या विमा पॉलिसीद्वारे सेवकांना उपचार घेता येणार आहे.

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com