<p><strong>सिन्नर । Sinnar (प्रतिनिधी)</strong></p><p>विश्वसम्राट बळीराजा गौरव दिनानिमित्त आयोजित राज्यस्तरीय ऑनलाईन रांगोळी स्पर्धेचा निकाल जाहीर झाला असून येथील हर्षाली शिंदे हिने द्वितीय क्रमांक पटकावला.</p>.<p>सत्यशोधक प्रबोधन महासभा, महाराष्ट्र यांच्यातर्फे बळीराजा गौरव दिनानिमित्त राज्यस्तरीय ऑनलाईन रांगोळी स्पर्धा आयोजित करण्यात आली होती.</p><p>यात चंद्रपूर, यवतमाळ, अमरावती, अकोला, सोलापूर, कोल्हापूर, सांगली, अहमदनगर, धुळे, नाशिक, मुंबई आणि पुणे येथील जवळपास साडेचारशे स्पर्धकांनी भाग घेतला.</p><p>त्यात बळीराजाच्या आर्त हाकेचा संदेश देणारी रांगोळी हर्षाली शिंदे (सिन्नर) हिने उत्तम पद्धतीने रेखाटली. तिला द्वितीय क्रमांकाचे पारितोषिक ऑनलाईन घोषित करण्यात आले.</p><p>यावेळी आयोजक प्रा. प्रतिमा परदेशी यांनी फोनवरून हर्षालीचे अभिनंदन करून पारितोषिकाची रक्कम ऑनलाईन हस्तांतरित केली.</p>
