Nashik Crime News : कारसह साडेतीन लाखांचा गुटखा जप्त; दोघांना अटक

मालेगाव | Malegaon

येथील मालेगाव-नामपूर मार्गावरील (Malegaon-Nampur Route) वडनेर शिवारात जिल्हा पोलीस प्रमुखांचे विशेष पथक व वडनेर खाकुर्डी केलेल्या कारवाईत कारसह साडेतीन लाखांचा गुटखा (Gutkha) पुड्यांचा साठा जप्त करण्यात आला. याप्रकरणी दोघांना अटक (Arrested) करण्यात आली आहे...

शहरात मोठ्या प्रमाणात वाहनातून अवैद्य गुटखा पुड्यांचा साठा विक्रीसाठी आणला जात आहे. या संदर्भात माहिती मिळाल्याने पोलीस पथकातर्फे (Police Team) शहरात प्रवेश करणाऱ्या मार्गावर गस्त घालत लक्ष ठेवले जात आहे. नामपूर भागातून कारमधून गुटखा आणला जात असल्याची माहिती मिळाल्याने पोलिसांनी वडनेर शिवारात सापळा लावला होता.

यावेळी मारुती व्हॅन भरधाव वेगाने येत असल्याचे दिसताच पोलिसांनी थांबून तिची तपासणी केली असता दोन लाख ५४ हजाराचा सुगंधित तंबाखू, पान मसाला व गुटखा पुड्यांचा साठा दिसून आल्याने पोलिसांनी कारसह जप्त केला.

दरम्यान, या गुटख्याची वाहतूक करणाऱ्या निहाल मोहम्मद युसुफ अन्सारी रा. रमजान पुरा व मुद्दशीर हुसेन मुजफ्फर हुसेन रा.दयाने या दोघांना पोलिसांनी ताब्यात घेत त्यांच्याविरुद्ध वडनेर खाकुडी पोलीस ठाण्यात (Khakudi Police Station) गुन्हा दाखल करण्यात आला आहे.

'देशदूत' / 'सार्वमत'चे व्हॉट्सअ‍ॅप चॅनल जॉईन करण्यासाठी येथे क्लिक करा