<p>घोटी | Ghoti</p><p>करोनाचा वाढता प्रादुर्भाव व रुग्णांची वाढती संख्या लक्षात घेता उपचाराची साधने कमी पडु लागत असल्याने अनेक रुग्णांना मनस्ताप सहन करावा लागत आहे. </p> .<p>त्यामुळे गंभीर स्थितीतील रूणांवर उपचार करण्यासाठी नाशिकवर अवलंबुन राहावे लागत होते. तालुक्यात मोठे स्वरुपाचे कोविड सेंटर उभारले जावे अशी सतत मागणी तालुक्यातील नागरिकांकडुन होत होती.</p><p>या अनुषंगाने आता स्थानिक डॉक्टरांच्या पुढाकाराने घोटी येथे श्री. साईकृपा हॉस्पीटल व कोविड सेंटरची उभारणी करण्यात आली. या सेंटरमध्ये व्हेंटीलेटर, आयसीयु, ऑक्सीजनची सुविधा उपलब्ध असणार असल्याने आता इगतपुरी तालुक्यातील तसेच परिसरातील करोना बाधित रुग्णांना दिलासा मिळणार आहे.</p> <p>या साईकृपा हॉस्पीटल व कोविड सेंटरचा शुभारंभ आमदार हिरामण खोसकर यांचे हस्ते करण्यात आले. यावेळी आमदार खोसकर व पदाधिका-यांनी हॉस्पिटल व कोविड सेंटर मधील सर्व सुविधांची पाहणी करून समाधान व्यक्त केले.</p><p>स्थानिक पातळीवरच करोना बाधित रुग्णांवर सुविधांच्या माध्यमातुन उपचार मिळाल्यास रुग्णांना दिलासा मिळेल व अनेकांचे जीव वाचण्यास मदत होईल. </p><p>यावेळी माजी जि. प. सदस्य गोरख बोडके, माजी जिल्हा बँक संचालक संदीप गुळवे, खरेदी विक्री संघाचे चेअरमण ज्ञानेश्वर लहाणे, बाळा गव्हाणे, रामदास गव्हाणे, बाळासाहेब सदगीर, निवृत्ती मेंदडे आदी उपस्थित होते.</p><p>यावेळी हॉस्पीटलचे संचालक डॉ. अमल नायकवाडी, डॉ. सुशिल अतुर्लीकर, यांच्या नेतृत्वाखाली डॉ. दत्ता सदगीर, डॉ. किरण काकडे, डॉ. महेंद्र शिरसाठ, डॉ. शैलेश देशपांडे, डॉ. अंजुम नायकवाडी आदींनी उपस्थितांचे स्वागत केले.</p>
