<p><strong>नाशिक रोड | प्रतिनिधी</strong></p><p> ग्रामपंचायत निवडणुकीच्या वादातून नाशिक-पुणे महामार्गावर असलेल्या पळसे या गावी दोन गटात हाणामारी होऊन या हाणामारीत तीन जण जखमी झाले आहे.</p>.<p>या जखमींना उपचारासाठी महापालिकेच्या बिटको हॉस्पिटलमध्ये दाखल करण्यात आले आहे यासंदर्भात नवनाथ अंबादास गायधने यांनी नाशिकरोड पोलीस ठाण्यात तक्रार दाखल केली आहे </p><p>त्यात म्हटले आहे की, मी ग्रामपंचायत कार्यालय जवळ गेलो असता त्या ठिकाणी नामदेव आगळे रावसाहेब गायधनी साहेबराव गायधनी हे आले व त्यांनी गेल्या महिन्यात झालेल्या ग्रामपंचायत निवडणुकीचा वाद उरकून काढून मला लाथाबुक्क्यांनी चॉपरने मारहाण केली</p><p>मदतीसाठी धावून आलेल्या धनंजय गायधनी दिनकर गायधनी यांनासुद्धा दगड व विटा ने मारहाण केली तर दुसरी तक्रार ज्ञानेश्वर गायधनी यांनी केली त्यांनी तक्रारीत म्हटले आहे की ग्रामपंचायत निवडणुकीच्या वादातून भगवंत गायधनी व त्यांच्या दोन मुलांनी मला मारहाण केली सदर घटनेप्रकरणी नाशिक रोड पोलिसांनी गुन्हा दाखल केला असून पुढील तपास वरिष्ठ पोलिस निरीक्षक सूरज बिजली यांचे मार्गदर्शनाखाली सुरू आहे.</p>
