<p>सातपूर | Satpur</p><p>एचपीसीएल नाशिक रिजनल ऑफीस द्वारे आपल्या नाशिक शहरामध्ये के.आर. बुब पेट्रोल पम्पावरून अंबड येथून नाशिक जिल्ह्यामध्ये प्रथमच डिझेलची होम डिलेव्हरी सेवा मिळ्णार आहे. </p> .<p>या सेवेचा उदघाटन समारंभ सोमवारी के.आर.बुब पेट्रोल पम्प येथे एचपीसीएलचे नाशिक रिजनल ऑफीस चे मुख्य अधिकारी प्रलय जांभुळकर यांच्या ह्स्ते पार पडला,</p><p>याप्रसंगी आयामाचे अध्यक्ष वरून तलवार, सीनियर सेल्स ऑफीसर नवलकिशोर, रिटेल इंजिनियरिंग मॅनेजर पराग दाणी, उन्मेष कुलकर्णी, राजेंद्र पानसरे, गोविन्द झा, अमोल जाधव होते.</p><p>यावेळी एचपीसीएलचे नाशिक रिजनल ऑफीस चे मुख्य अधिकारी प्रलय जांभुळकर म्हणाले की यामुळे उद्योजकांची वेळ व पैसे, वाहतूक नियंत्रण, ट्रान्सपोर्टेशन याची मोठ्या प्रमाणात बचत हॊणार आहे. नाशिक जिल्ह्यात अशी सेवा देणारा के.आर.बुब पेट्रोल पम्प पहिला पम्प ठरला असल्याने अंबड व सातपूर औद्योगिक परिसरातील उद्योजक, व्यावसाईकांनी या सेवेचा लाभ घेण्याचे आवाहन केले.</p><p>प्रदीप बुब यांनी उद्योजक, कामगार, नागरिक यांच्याकरिता पेट्रो कार्ड, पीयूसी, सारख्या योजना राबविल्या आहेत, त्यांच्या या नावीन्यपूर्ण संकल्पनेतून निश्चितच उद्योजक, व्यावसायिकांचा फायदा होणार असल्याचे सांगेतले.</p><p>यावेळी मनपाचे माजी सभापती अमोल जाधव यांनीही या संकल्पनेचे कौतुक केले व आपले मत मांडले. संचालक ललित बुब यांनी या संकल्पने विषयी माहिती दिली.</p><p>ज्याप्रमाणे सर्व दूर देशात एप वरून टॅक्सी सेवा, खाण्याच्या वस्तूंची सेवा व इतर सेवा फॊनद्वारे बुक करून मागवता येतात त्याचप्रमाणे आता उद्योगधंद्यांना चालना देण्यासाठी एचपीसीएल कम्पनीद्वारा नाशिकमध्ये के.आर. बुब पेट्रोल पम्पवरून अंबड येथून डिझेलची होम डिलेव्हरी सेवा मिळ्णार आहे.</p><p>पम्पावर आर्डर बुक केल्यानंतर ही डिझेलची सेवा मिळणार असल्याचे के.आर.बुब पेट्रोल पम्पचे संचालक श्री ललित बुब व प्रदीप बुब यांनी सांगितले.</p><p>हिंदुस्तान पेट्रोलियम कॉर्पोरेशन लीमीटेड (एचपीसीएल) पेट्रोल पम्प ऑन व्हील सेवा सुरु करन्यात येत आहे.</p><p>या वाहनांमध्ये डिस्पेन्स मशीन व नोझल पेट्रोल पम्प सारखेच कार्यरत राहणार असून १० किलोमीटरच्या परिसरातील येणाऱ्या सर्व ऑर्डर करीता फ्री डिझेलची डिलेव्हरी सेवा मिळणार आहे.</p><p>यापुढे लांबवरच्या सेवेच्या अंतरासाठी शुल्क आकारणी करण्यात येणार आहे. यावेळी शोभना बुब, साक्षी बुब, उद्योजक उपस्थित होते.</p>
