<p><strong> येवला | Yeola</strong></p><p>येवला तालुक्यातील देवळाणे येथे सोन्याबापु महिपत जाधव (वय ४७ ,रा.देवळणे) यांनी आज रात्रीच्या १.३० वा राहत्या घरी आतून दरवाजे बंद करून मफलरीच्या साहाय्याने गळफास घेतल्याने परिसरात एकच खळबळ उडाली आहे. </p> .<p>सकाळी दरवाजा बंद असल्याचे निदर्शनास आल्या नंतर उत्तम महिपत जाधव यांच्या माहिती नुसार घटनास्थळी येवला ग्रामीण पोलीस निरीक्षक भवारी, ए.ऐस. आय.तांदाळकर पो.ह.हेंबाडे, पगार आदीं दाखल झाले. </p><p>त्यांनी घटनेचा पंचनामा केला. झालेल्या प्रकाराची आकस्मित मृत्यू ची नोंद करून शवविच्छेदन करण्यासाठी येवला ग्रामीण रुग्णालयात पाठवण्यात आले आहे.</p><p>त्यांच्या पश्चात पत्नी हिराबाई, आकाश व पवन अशी दोन मुलं आहेत. ते जागरण गोंधळासह मोल मजुरी करत असल्याची माहिती मिळाली आहे. तसेच घटनेचे कारण अद्याप स्पष्ट नसुन पुढील तपास ए.ऐस.आय.तांदाळकर हे करत आहे.</p><p>सदर व्यक्ती ही कर्ज बाजारी पणास कंटाळून आत्महत्या केली असल्याची देवळाणे परिसरात चर्चा आहे. यामुळे परिसरात तीव्र शोक व्यक्त होत आहे.</p>
