<p><strong>नाशिक | प्रतिनिधी </strong></p><p>दिल्ली येथील रहिवासी कमल गोला यांनी 11 नोव्हेंबर रोजी बारा ज्योतिर्लिंग सायकल यात्रेस सुरुवात केली होती...</p>.<p>व्यवसायाने चार्टर्ड अकाउंटंट असलेले कमल गोला यांना परदेशात स्थायिक असतांना सायकलची गोडी निर्माण झाली.</p><p>आपला देश सायकलवर जवळून बघावा तसेच कोरोनाच्या पार्श्वभूमीवर आपला स्वतःचा फिटनेस व पर्यावरणाचा समतोल राखावा या उद्देशाने त्यांनी 12 ज्योतिर्लिंगाचे दर्शन सायकल वर घेण्याचे ठरवले.</p><p>दिल्ली - कोलकाता-कन्याकुमारी- केरळ- कर्नाटक- गोवा महाराष्ट्र असा चार महिन्यात त्यांनी 9000 किलोमीटरचा सायकल प्रवास पूर्ण केला आहे.</p><p>सहा ज्योतिर्लिंगाचे दर्शन घेऊन, त्यांचे काल नाशिक नगरीत आगमन झाले. नाशिक सायकलिस्ट फाउंडेशनच्या वतीने पारंपारिक रित्या औक्षण करून, शाल, टोपी घालून स्वागत करण्यात आले.</p><p>याप्रसंगी नाशिक सायकलिस्ट फाउंडेशनचे ज्येष्ठ उपाध्यक्ष चंद्रकांत नाईक, सचिव डॉ. मनिषा रौंदळ, खजिनदार रवींद्र दुसाने, साधना दुसाने, डॉ. नितीन रौंदळ ,राजेश्वर सूर्यवंशी हे उपस्थित होते.</p><p>गोला आज सकाळी त्र्यंबकेश्वर येथील ज्योतिर्लिंगाच्या दर्शनासाठी निघाले आहेत.त्रंबक राजाचे दर्शन घेऊन ते भीमाशंकरकडे रवाना होणार असल्याचे त्यांनी सांगितले.</p>
