<p>सप्तशृंगीगड | Saptsrungigad</p><p>सप्तशृंगी च्या दर्शनासाठी नांदुरी- घाट रस्त्या दरम्यान असलेल्या कमानी जवळील दर्शनार्थी भाविकांना दर्शनपास सुविधा कार्यान्वित करण्यात आली आहे.</p> .<p>कोविड – १९ संदर्भीय योग्य त्या खबरदारीसह विश्वस्त संस्थेच्या वतीने १६ नोव्हेंबर २०२० पासून कार्यान्वित केले असून निर्धारीत केलेल्या नियोजना प्रमाणे प्रति दिवशी ५७५० भाविकांची दर्शन सुविधा उपलब्ध करून देण्यात आली आहे. </p><p>त्यानुसार मागिल ७ दिवसात ४६ हजार ८७६ भाविकांनी दर्शन घेतले आहे. ऑनलाईन दर्शन पास प्रक्रियेत अडसर होवू नये म्हणून प्राथमिक स्तरावर विश्वस्त संस्थेने मौजे नांदुरी येथे ऑफलाईन दर्शन पास प्रक्रिया कार्यान्वित केली आहे.</p><p>सदर ऑफलाईन दर्शन पास प्रक्रियेत भाविकांचे नाव, संपर्क क्रमांक, भाविक संख्या, नोंदणी वेळ व संभाव्य दर्शनाची संधी (वेळ) तसेच थर्मलगनचा वापर करून भाविकांच्या शरीराचे तापमान तपासून दर्शन पास देणे बाबतची प्रक्रिया सुरु करण्यात आली आहे. सदर दर्शन पास हा पायी मार्गे व रोपवे माध्यमातून मंदिरात जाणाऱ्या भाविकांना प्राप्त करून घेणे बंधनकारक आहे.</p><p>भाविकांनी दर्शनासाठी येताना योग्य ती खबरदारी घेत सुरक्षित अंतर राखून यावे. त्याचप्रमाणे मंदिर ट्रस्टला करावे.</p><p>- सुदर्शन दहातोंडे, व्यवस्थापक, श्री सप्तशृंग निवासिनी देवी ट्रस्ट</p>
