जिल्ह्यात रुग्ण बरे होण्याचे प्रमाण ८०.४६ इतके
नाशिक

जिल्ह्यात रुग्ण बरे होण्याचे प्रमाण ८०.४६ इतके

आत्तापर्यंत ७१३ रुग्णांचा मृत्यू

Gokul Pawar

Gokul Pawar

नाशिक | Nashik

जिल्हा सामान्य रुग्णालयामार्फत आज प्राप्त अहवालानुसार जिल्ह्यातील २० हजार ८४६ करोना बाधीतांना डिस्चार्ज देण्यात आला असून सद्यस्थितीत ४ हजार ३५१ रुग्णांवर उपचार सुरु असलेल्या रुग्णामध्ये २८२ ने घट झाली आहे. आत्तापर्यंत ७१३ रुग्णांचा मृत्यू झाला आहे, अशी माहिती जिल्हा सामान्य रुग्णालयाचे निवासी वैद्यकीय अधिकारी डॉ. अनंत पवार यांनी दिली आहे.

उपचार घेत असलेले पॉझिटिव्ह रुग्ण :

नाशिक ग्रामीण मध्ये नाशिक २७९, चांदवड ५४ , सिन्नर २३१, दिंडोरी

५३, निफाड २४१, देवळा ७०, नांदगांव १४२, येवला २४, त्र्यंबकेश्वर १९, सुरगाणा १०, पेठ ०२, कळवण १०, बागलाण ८०, इगतपुरी ४३, मालेगांव ग्रामीण ११८ असे एकूण १३७६ पॉझिटीव्ह रुग्णांवर उपचार आहे.

तसेच नाशिक महानगरपालिका क्षेत्रात २ हजार ३४९, मालेगांव महानगरपालिका क्षेत्रात ६१७ तर जिल्ह्याबाहेरील ०९ असे एकूण ४ हजार ३५१ रुग्णांवर उपचार सुरु आहेत. तसेच आजपर्यंत जिल्ह्यात २५ हजार २८८ रुग्ण आढळून आले आहेत.

रुग्ण बरे होण्याची टक्केवारी

जिल्हयात रुग्ण बरे होण्याची टक्केवारी नाशिक ग्रामीण मधे ७४.८२, टक्के, नाशिक शहरात ८४.१९ टक्के, मालेगाव मध्ये ६५.६४ टक्के तर जिल्हा बाह्य रुग्णांचे बरे होण्याचे प्रमाण ८४.३८ टक्के आहे. तसेच जिल्ह्यात बरे होण्याचे प्रमाण ८०.४६ इतके आहे.

मृत्यु :

नाशिक ग्रामीण १९०, नाशिक महानगरपालिका क्षेत्रातून ४०५, मालेगांव महानगरपालिका क्षेत्रातून ९७ व जिल्हा बाहेरील २१ अशा एकूण ७१३ रुग्णांचा मृत्यु झाला आहे.

लक्षणीय :

◼️२५ हजार ९१० कोरोनाबाधित रुग्णांपैकी २० हजार ८४६ रुग्ण पुर्णपणे बरे झाल्याने त्यांना डिस्चार्ज.

◼️सध्या जिल्ह्यात उपचार घेत असलेले ४ हजार ३५१ पॉझिटिव्ह रुग्ण.

◼️जिल्ह्यात बरे होण्याचे प्रमाण

८०.४६ टक्के.

(वरील आकडेवारी आज सकाळी ११.०० वाजता जिल्हा सामान्य रुग्णालयाकडून प्राप्त माहितीच्या आधारे नमूद करण्यात आली आहे.)

Latest Marathi News, Marathi News Paper, Breaking News In Marathi, Marathi Batmya Live
www.deshdoot.com