<p>सिन्नर | Sinnar </p><p>सिन्नर तालुक्यात दिवसेंदिवस करोना बाधितांची संख्या वाढत आहे. यातच विंचूर दळवी येथील करोनाबाधित रुग्णाने...</p>.<p>तालुक्यातील विंचूर दळवी येथे 76 वर्षीय करोना बाधीताने आज (दि.८) पहाटे ५ च्या दरम्यान राहत्या घरातील पंख्याला गळफास घेऊन आत्महत्या केली.</p><p>या रुग्णाचा बाधीत असल्याचा अहवाल दोन दिवसांपूर्वीच आला होता. घरातच एका स्वतंत्र खोलीमध्ये त्यांना ठेवण्यात आले होते. तेथेच त्यांच्यावर औषधोपचारही चालू होता.</p><p>पहाटे साडे पाच च्या दरम्यान त्यांनी गळफास घेतल्याचे उघड झाले. त्यांना रक्तदाब, मधूमेह यासारखा अन्य कुठलाही आजार नव्हता. करोना झाल्याच्या भितीने त्यांनी आत्महत्या केल्याचा अंदाज व्यक्त करण्यात येत आहे.</p><p>त्यांच्या मृत्यूमुळे करोनाने मृत्यू झालेल्या तालुक्यातील रुग्णांची संख्या 47 झाली आहे.</p>
