<p>नाशिक । Nashik </p><p>रामशेजवरील दुर्लक्षित असलेल्या दोन सैनिकी जोत्यांना उजेडात आणण्याचे कार्य शिवकार्य गडकोटच्या माध्यमातून करण्यात आले. </p><p>शिवकार्य गटकोट संस्थेची दुर्गसंवर्धन मोहीम नुकतीच रामशेजवर पार पडली. शिवकार्य गडकोट संवर्धन संस्थेच्या १२३ व्या दुर्गसंवर्धन श्रमदान मोहिमेत अजिक्य दुर्ग रामशेजवर झाली. </p> .<p>यावेळी माथ्यावरील मातीत बुजलेल्या,काटेरी झुडपात दडलेल्या सैनिकांच्या दोन जोत्यांचे दिवसभरातील श्रमदानातून त्यांच्या पाऊलखुणा नष्ट होण्यापासून वाचवण्याचे व त्यांना उजेडात आणण्याचे कामकाज दोन टप्प्यात झालेल्या अभ्यासपूर्ण श्रमदानातून करण्यात आले. रामशेजवरील प्लास्टिक व किल्ल्याची असुरक्षितता, दरवर्षी लागणारा वणवा, उपद्रवी तसेच प्रेमीयुगुलांची वाढती गर्दी यामुळे किल्ल्याचे वैभव दिवसेंदिवस खालावत चालले आहे.</p><p>या पार्श्वभूमीवर शिवकार्यच्या माध्यमातून या गोष्टींना आळा घालण्यासाठी वेळोवेळी श्रमदान व जनजागृती केली जाते. तसेच स्थानिक पर्यटन पोलिस,रामशेज वनविभाग व स्थानिक आशेवाडी गावाने याकामी अधिक लक्ष घालावे अशी भावना ही यावेळी दुर्गसंवर्धकानीं यावेळी व्यक्त केली.</p><p>दरम्यान या मोहिमेत भवानी मंदिरासमोरील व उत्तरेकडील दोन सैनिकी जोत्यांचे अस्ताव्यस्त दगड, चिरे गोळा करत व्यवस्थित रचले. दरम्यान दुपारच्या सत्रात छोटी बालसंवर्धक स्वरा पिंगळे व शाहू पिंगळे याना संस्थेचे प्रमाणपत्र सन्मानपूर्वक देण्यात आले.</p><p>यावेळी शिवकार्यचे राम खुर्दळ, पर्यावरण समितीचे सागर शेलार, तुषार पिंगळे, श्रमदान समितीचे भूषण औटे, अमोल बच्छाव, रोहित गटकळ, जेष्ठ दुर्गसंवर्धक भाऊसाहेब चव्हाणके, पंकज ठाकरे, प्रचार-प्रसार कमिटीचे आशिष प्रजापती, प्रसाद भामरे, नवनाथ कालेकर, आदी दुर्गसंवर्धक सहभागी झाले होते.</p>
