रिंगरोडच्या पाठपुराव्यासाठी समिती

नाशिक | प्रतिनिधी | Nashik

‘मी नाशिककर’चा पुढाकाराने क्रेडाई (Credai) सह विविध संघटनांच्या सहभागातून शहराच्या विकासासाठी (development) रिंगरोडच्या (Ring Road) उभारणीला गती देण्याच्या उद्देशाने व त्यात येणार्‍या अडचणींचा पाठपुरवठा व तांत्रिक सहकार्यासाठी एक समिती स्थापन करण्यात आली.

पंतप्रधान, मुख्यमंत्री, उपमुख्यमंत्री तसेच विविध संबंधित शासकीय अधिकारी आणि लोकप्रतिनिधी यांना विनंती करून रिंगरोडसाठी परवानगी तसेच यासाठी अधिकाधिक निधी (fund) कसा मिळेल हे ही समितीविशेष लक्ष देणार असल्याचा महत्वाचा निर्णय या विशेष बैठकीत घेण्यात आला.

दर बारा वर्षांनी भरणार्‍या नाशिकमधील कुंभमेळ्याला (Kumbh Mela) विशेष महत्त्व आहे. त्याचा उपयोग शहराच्या शाश्वत आणि दूरदर्शी विकासासाठी सर्वांच्या संयुक्त प्रयत्नांतून करण्याचे निश्चित करण्यात आले. यासाठी मी नाशिककर पाठपूरावा करणार असल्याचे स्पष्ट केले.

या बैठकीत ’या’ प्रमुख मुद्यांवर झाली चर्चा

अन्य शहरांप्रमाणे शहरातील आंतरिक रिंगरोड हा 30 मीटर रुंदीचा व पूर्ण काँक्रीटचा असावा जेणेकरून शहरातील वाहतुकीचे योग्य नियोजन होईल. 15 किलोमीटर लांबीचा हा रिंगरोडसध्या 14 मीटरचा डांबरी रस्ता असून तो देखील अनेक ठिकाणी अर्धवट स्थितीमध्ये आहे. शहराच्या बाहेरून पण मनपाच्या हद्दीत असणारा प्रस्तावित 35 किलोमीटर रिंग रोडचे योग्य नियोजन व आराखडा तयार होऊन तो लवकरात लवकर सुरू होणे आवश्यक आहे.

शहराच्या बाहेरील 65 किलोमीटरचा रिंगरोड हा 60 मीटरचा असावा. त्यासाठी पुणे व हैदराबादच्या धर्तीवर एमएसआरडीसीने निधी उपलब्ध करून देण्यासाठी विविध स्तरावर पाठपुरवठा करावा. नाशिक हे देश-विदेशातील धार्मिक महत्त्व असलेले महत्त्वाचे शहर असून महाराष्ट्राचे भक्तिस्थळ असे योग्य रितीने ब्रेडिंग करावे, यासाठी त्र्यंबकेश्वर - वणी- शिर्डी असा कॅर्रीडोर बनवावा.135 किलोमीटर लांबीचा शहराच्या बाहेरून 30 किमी जाणारा रिंगरोड चेन्नई - सुरत तसेच वडपे येथे समृद्धी महामार्गा सोबत जोडावे. यासाठी प्राधिकरणाकडे पाठपुरावा करावा.