अवजड वाहनाच्या धडकेत दुचाकीस्वाराचा मृत्यू; एक जखमी

अवजड वाहनाच्या धडकेत दुचाकीस्वाराचा मृत्यू; एक जखमी

सिन्नर। प्रतिनिधी Sinnar

सिन्नर-घोटी महामार्गावर हरसूले फाटा शिवारात आज (दि.21) सायंकाळच्या सुमारास अवजड वाहनाच्या धडकेत दुचाकीस्वाराचा मृत्यू झाला तर एक जण जखमी झाला आहे.

शहापूर तालुक्यातील खर्डी येथील संतोष भोईर (57) व अरविंद लहू विसे (58) हे मोटरसायकल( क्र. एम. एच. 04/ ए. व्ही. 6720) घोटीकडून सिन्नरकडे येत असताना हरसूले फाटा शिवारात समोरून येणारे अवजड वाहनाने ( क्र. टीएन। 37/ डीवाय 9523) दुचाकीला पाठीमागून जोरदार धडक दिली.

यात संतोष भोईर हे रस्त्यावर पडून गंभीर जखमी झाले. तर अरविंद विसे हे किरकोळ जखमी झाले. संतोष भोईर यांचा उपचाराआधीच मृत्यू झाला. महामार्ग पोलिसांनीही घटनास्थळीधाव घेऊन वाहतूक सुरळीत केली.अधिक तपास महामार्ग पोलीस उपनिरीक्षक एस. डी. गायकवाड करत आहेत.

Related Stories

No stories found.
logo
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com