डॉक्टरांवरील हल्ले अशोभनीय : खा. संजय राऊत

डॉक्टरांवरील हल्ले अशोभनीय : खा. संजय राऊत

नाशिकरोड । प्रतिनिधी Nashikroad

डॉक्टर्स, वकिलांकडे जाताना भीती वाटते. परंतु गेल्या दोन वर्षांत करोनाकाळात देशाला राज्यकर्त्यांनी नव्हे तर डॉक्टर्स व वैद्यकीय क्षेत्रातील व्यक्तींनी वाचवले. त्यांचे योगदान मोठे आहे. मात्र डॉक्टरांवरील हल्ले ही गंभीर बाब (Attacks on doctors are a serious matter )असून ती आपल्या संस्कृतीला शोभणारी नाही. राज्यातील डॉक्टरांनी एकत्र यावे, असे प्रतिपादन खा. संजय राऊत ( MP Sanjay Raut )यांनी केले.

हॉटेल नासिक्लबमध्ये ( Hotel Nasiklub) इंडियन मेडिकल असोसिएशन (आयएमए) नाशिकरोड शाखेच्या पदग्रहण समारंभप्रसंगी खा. राऊत बोलत होते. ते म्हणाले, या कार्यक्रमात येणे म्हणजे साहित्य संमेलनात आल्यासारखे वाटले. सत्ताबदल इतका आनंदीत व सुंदर होऊ शकतो हे राज्यकर्त्यांनी आयएमएकडून शिकावे.

अमेरिकेतील लोकशाही जगातील सर्वात चांगली लोकशाही समजत होतो. परंतु प्रेमाने सत्ताबदल इथे बघायला मिळाला. करोनाकाळात धारावी वाचली म्हणून मुंबई वाचली. त्यात डॉक्टरांचे मोठे योगदान होते. राज्यात आदर्श आरोग्यसेवा आहे. जगातील डॉक्टरांकडे तंत्रज्ञान आहे तर आपल्या डॉक्टरांकडे मन व हृदय आहे. आपले डॉक्टर देवदूत आहेत. यावेळी डॉ. प्रशांत यांनीही मार्गदर्शन केले.

यावेळी मावळते अध्यक्ष डॉ. शीतलकुमार जाधव, सचिव डॉ. निशांत घोडके, खजिनदार स्वप्नांजली आव्हाड यांच्याकडून नूतन अध्यक्ष डॉ. प्रशांत भुतडा, सचिव डॉ. रेश्मा घोडेराव, खजिनदार म्हणून डॉ. सारंग दराडे यांनी पदभार स्वीकारला. तसेच डॉ. संगीता कातोरे, डॉ. प्रशांत मुठाळ, डॉ. दीप्ती पापरीकर, डॉ. सतीश पापरीकर, डॉ. शिरीष घन, डॉ. कोमावर, डॉ. कांचन लोकवाणी, डॉ. नितीन सुराणा,

डॉ. रेश्मा घोडके, डॉ. शीतल जाधव, डॉ. सारंग दराडे, डॉ. राजेंद्र भंडारी, डॉ. मिलिंद भरडिया, डॉ. संजय धुर्जुड, डॉ. विद्या गोसावी, डॉ. सुचिता गंधे, डॉ. योगेश पवार, डॉ हेमंत, डॉ. राजीव पाठक, भीमराव निकम आदींची विविध कमिट्यांवर नियुक्ती करण्यात आली. याप्रसंगी शिवसेना संपर्कप्रमुख भाऊसाहेब चौधरी, जिल्हाप्रमुख विजय करंजकर, माजी नगरसेवक अजय बोरस्ते, जगदीश पवार, असोसिएशनचे डॉ. समीर लासुरे, डॉ. अशोक निरगुडे, डॉ.अमित विसपुते, डॉ. रुपेश संकलेचा आदी उपस्थित होते. सूत्रसंचालन डॉ. नितीन सुराणा, डॉ. ममता सुराणा तर आभार डॉ. रेश्मा घोडेराव यांनी मानले.

logo
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com