<p><strong>नाशिक । प्रतिनिधी</strong></p><p>सिन्नर तालुका मुख्याध्यापक संघ , टीडी एफ सिन्नर तालुका शिक्षक परिषद यांच्यावतीने ग्रामपंचायत निवडणुकीमध्ये काम करणाऱ्या शिक्षकांना मानधन देण्यात यावे, यासाठी सिन्नर तहसिल कार्यालयातील नायब तहसिलदार मराठे यांना निवेदन देण्यात आले . </p>.<p>सिन्नर तालुक्यातील १०० च्या वर ग्रामपंचायत निवडणुकीमध्ये माध्यमिक विभागातील हजारो शिक्षकांनी निवडणुकीचे काम केले. आधीच्या रात्री सर्व खेडेगांवामधे आमचे सर्व शिक्षक निवडणुकीचे साहित्य घेऊन पोहचले . </p><p>काही ठिकाणी प्रचंड मच्छर ,लाईट नाही, पाणी नाही , जेवणाची व्यवस्था नाही अशा ठिकाणी आमचे शिक्षक थांबले व संपुर्ण निवडणुकीचे काम प्रामाणिकपणाने पुर्ण केले. परंतु , सिन्नर तालुक्यातील एकाही कर्मचार्यास एक रुपया सुद्धा मानधन मिळाले नाही. मग मानधन गेले कुठे असा प्रश्न निर्माण झाला आहे. यासाठी आपल्या मागण्यांचे निवेदन तहसिलदार यांना देण्यात आले.</p><p>आठ दिवसात मानधन मिळाले नाही, तर तहसिल कार्यालयापुढे धरणे आंदोलन करण्यात येईल ,असा ईशारा जिल्हा मुख्याध्यापक संघाचे कार्याध्यक्ष साहेबराव कुटे , टिडीएफ चे नेते व जिल्हा कार्यवाह किशोर जाधव शिक्षक परिषद नेते बाळासाहेब हांडे यांनी दिला आहे. निवेदन देतांना दौलत मोगल, संजय पाटील , दत्ता आदिक ' पी टी जाधव , </p><p>एकनाथ खैरनार , एम बी चतुर , एस बी चिने , वसंतराव पैठणकर , आशुतोष आंदोरे , जिंतेद्र पाटील , बाळासाहेब सांगळे , जी.ए कोरडे , राजेंद्र मिठे , के आर काळे , आर एस काळे , बाळासाहेब खैरनार , योगेश . जाधव , देविदास गर्जे , आर के शेळके , राजाराम आव्हाड , किशोर सरवार , विलास शेळके आदी माध्यमिक शिक्षक मोठ्या संखेने उपस्थित होते . </p><p>यापुढेही मानधन न मिळाल्यास आंदोलन तीव्र करण्यात येईल, असा इशारा सिन्नर तालुका शिक्षक आघाडीच्यावतीने ण्यात आला.</p>
