महाराष्ट्र राज्य परिवहन महामंडळ अर्थात एमएसआरटीसीच्या ताफ्यात 15 हजार 800 बसेस आहेत. यामध्ये लाल रंगाच्या परिवर्तन गाड्याच अधिक आहेत. गेल्या दीड वर्षात नवीन खरेदी न झाल्यामुळे एसटीच्या ताफ्यातील बसची संख्या कमी झाली आहे. सध्या एसटीला आणखी 2000 बसेसची गरज असून प्रथम 700 नवीन गाड्या घेण्याचा निर्णय महामंडळाने घेतला आहे.

बीएस 6 प्रणालीच्या नवीन बस सांगाड्याकरता (चेसिस) निविदा काढण्यात आली आहे. 700 बसेसची बांधणी एसटी महामंडळाकडून केली जाणार आहे. निविदा प्रक्रिया पूर्ण होण्यास तीन महिने जातील. त्यानंतर अन्य प्रक्रिया झाल्यावर बसची बांधणी करून बस ताफ्यात आणल्या जातील. शिवाय एसटीच्या ताफ्यात भाडेतत्त्वावरील 100 विजेवर धावणार्‍या बसही येणार असून त्या वातानुकूलित असतील. शिवाई नावाने असलेल्या या बसेससाठीही निविदा प्रक्रिया राबवण्यास सुरुवात केली आहे. दरम्यान, एसटीची सध्या दररोजची प्रवासी संख्या 17 लाखांपर्यंत पोहोचली असूून उत्पन्न साडेआठ कोटी रुपयांपर्यंत मिळत आहे. मार्च महिन्यात वाढत जाणारे करोना रुग्ण व लागलेले निर्बंध यामुळे प्रवासी कमी झाले आहेत.

नवीन यंत्रणे नुसार बसेस

खरेदी केल्या जाणार्‍या सर्व बसेस बीएस-6 प्रणालीतील असतील. यामध्ये डिझेल इंजिनावरील 500 साध्या बसेस आणि 50 सीएनजीवरील बसेस आहेत. शिवाय विनावातानुकूलित शयनयान व आसन प्रकारातील 150 बसेस घेण्यात येणार असल्याची माहिती एसटी महामंडळाने दिली. सध्या एसटीच्या ताफ्यात 15 हजार 800 बसेस असून त्यात लाल रंगाच्या परिवर्तन बसेस, शिवशाही, शिवनेरी, हिरकणी बसेस आहेत. ताफ्यात विनावातानुकूलित शयनयान बसही असून आणखी शयनयान व आसन प्रकारातील बसही येतील.

सातपूर भीम जन्मोत्सव समिती अध्यक्षपदी अडांगळे

Nishikant Patil

Related Stories