<p><strong>नाशिक । Nashik (प्रतिनिधी)</strong></p><p>करोना संसर्गाला अटकाव घालण्यासाठी जिल्हाप्रशासनाकडून शर्थीचे प्रयत्न सुरु असले तरी करोना रुग्णसंख्येत भर पडत असून सोमवारी (दि. १५) १ हजार ३७६ पाॅझिटिव्ह रुग्ण आढळले. थोडिफार दिलासादायक बाब म्हणजे ५५१ रुग्ण करोना मुक्त झाले.</p>.<p>करोनाचा संसर्ग अटोक्यात आणण्यासाठी जिल्हाप्रशासनाने कठोर निर्बंध लागू केले आहे. विकऐण्डला बाजारपेठा बंद ठेवण्यात आल्या आहेत.</p>.<p>मात्र तरी देखील करोना रुग्ण संख्येत रोज भरच पडत असून सलग पाचव्या दिवशी करोना पाॅझिटिव्ह रुग्णांनी हजाराचा आकडा पार केला.</p>.<p>सोमवारी सर्वाधिक रुग्ण ७८८ हे महापालिका हद्दित आढळले. तर ग्रामीण हद्दित ४०७ रुग्ण पाॅझिटिव्ह सापडले. तर मालेगाव मनपा हद्दित १४९ तर उर्वरीत जिल्ह्यात ३२ करोना बाधित आढळले.</p>.<p>तर दिवसभरात सहा रुग्णांचा करोनाने बळी घेतला. दरम्यान, प्रशासनाकडून करोना रुग्णांचा वाढता आलेख कमी व्हावा यासाठी शर्थीचे प्रयत्न सुरु आहे.</p>
