<p><strong>नंदुरबार - Nandurbar - प्रतिनिधी :</strong></p><p>खापर ता.अक्कलकुवा येथे 6 लाख 75 हजार 570 रुपयांची 32 हजार 412 युनीट वीजेची चोरी केल्याचा प्रकार उघडीस आला आहे. याबाबत एकाविरुद्ध अक्कलकुवा पोलीस ठाण्यात गुन्हा दाखल करण्यात आला आहे.</p>.<p>याबाबत पोलीस सुत्रांनी दिलेल्या माहितीनुसार, खापर ता.अक्कलकुवा येथील देविचंद सोनराज जैन यांनी अप्रामाणिकपणे व विश्वासघाताने स्वतःच्या आर्थिक फायद्यासाठी वीज चोरी करुन गेल्या दोन वर्षापासून 32 हजार 412 युनीटची वीज चोरी केली आहे. </p><p>या वीजचोरीची किंमत 6 लाख 53 हजार 570 असून तडजोड आकार 22 हजार अशी एकुण 6 लाख 75 हजार 570 रुपये इतकी रक्कम त्यांच्याकडून येणे बाकी आहे.</p>.<p>त्यांना महावितरण कंपनीकडून वीज चोरी व तडजोडीचे देयक देण्यात आले आहे. परंतू अद्याप त्याचा भरणा केलेला नाही.</p><p>म्हणून भरारी पथकाचे बकुळ रामदास मानवटकर यांनी दिलेल्या फिर्यादीनुसार जैन यांच्याविरुद्ध विद्युत कलम 135 प्रमाणे गुन्हा दाखल करण्यात आला आहे. पुढील तपास हेकॉ गुलाब जोहरी करीत आहेत.</p>
