<p><strong>नंदुरबार - Nandurbar - प्रतिनिधी :</strong></p><p>नंदुरबार येथील राज्य उत्पादन शुल्क विभागाने गुन्ह्यात जप्त केलेली चारचाकी वाहन जिल्हाधिकारी कार्यालयाच्या आवारातून लंपास केल्याची घटना घडली आहे. </p>.<p>याबाबत पोलीस सुत्रांनी दिलेल्या माहितीनुसार, नंदुरबार शहरातील राज्य उत्पादन शुल्क विभागाने गुन्ह्यात जप्त केलेली चारचाकी मालवाहु वाहन (क्र.एम.एच.10- ए.डब्ल्यु. 70) ही जिल्हाधिकारी कार्यालयाच्या आवारातील मागील बाजूस लावलेली असतांना अज्ञात चोरटयांनी पाच लाख रूपये किंमतीचे वाहन दि.10 ते 17 मार्च दरम्यान लंपास केले.</p>.<p>याप्रकरणी दुय्यम निरीक्षक राज्य उत्पादन शुल्क शैलेंद्र दत्तात्रय मराठे यांच्या फिर्यादीवरून नंदुरबार शहर पोलीस ठाण्यात अज्ञात चोरटयाविरूध्द गुन्हा दाखल करण्यात आला आहे. याप्रकरणी पुढील तपास पोसई मुकेश पवार करीत आहेत.</p>
