<p><strong>नंदुरबार - Nandurbar - प्रतिनिधी :</strong></p><p>महाराष्ट्रात बंदी असलेला विमल गुटखा तंबाखुची जिल्ह्यात होणारी अवैध चोरटी विक्री व वाहतुकीचे प्रमाण लक्ष्यात घेवुन स्थानिक गुन्हे अन्वेषण शाखेने कारवाईचा धडाका लावला असुन तिन दिवसात गुटखा विक्रीवर छापे टाकत 7 लाख 1 हजार 510 रुपयांचा मुद्देमाल हस्तगत करर्यात आला आहे.याप्रकरणी 10 जणांना अटक करण्यात आली आहे.</p>.<p>याबाबत अधिक माहिती अशी की, जिल्ह्यात महाराष्ट्रात बंदी असलेला विमल गुटखा तंबाखुची होणारी अवैध चोरटी विक्री व वाहतुकीचे प्रमाण लक्ष्यात घेवुन पोलीस अधीक्षक महेंद्र पंडित यांनी महाराष्ट्रात बंदी असलेला विमल गुटखा तंबाखुची होणारी अवैध चोरटी विक्री व वाहतुकीवर कारवाईची विशेष मोहिम राबविण्याबाबत निर्देश दिले.</p><p>यासाठी स्थानिक गुन्हे अन्वेषण शाखेचे पोलीस निरीक्षक विजयसिंह राजुपत यांनी अमंलदारांचे वेग-वेगळे पथक तयार करुन विमल गुटखा तंबाखुची अवैध विक्री व वाहतुक करणार्यांवर कारवाई करण्याचे आदेश दिले.</p><p>पथकांनी दि.4 मार्च पासुन आतापर्यंत नंदुरबार जिल्ह्यातील विमल गुटखा तंबाखु अवैध चोरटी विक्री व वाहतुकीवर धडक कारवाई सुरू केली आहे.</p>.<p>यात धडगांव, तळोदा सारंगखेडा, शहादा, मोलगी, अक्कलकुवा, नंदुरबार तालुका व नवापुर पोलीस ठाण्यांचा समावेश आहे. या कारवाईमध्ये आता पर्यंत 10 केसेस व 7 लाख 1 हजार 510 रुपयांचा मुद्देमाल हस्तगत करण्यात आलेला आहे.</p><p>याप्रकरणी 10 आरोपी व मुद्देमाल पुढील कारवाईकामी संबंधीत पोलीस ठाण्याच्या ताब्यात देण्यात आलेला आहे. तसेच यापुढे ही महाराष्ट्रात बंदी असलेला विमला गुटखा तंबाखुची अवैध चोरटी विक्री व वाहतुकीवर प्रभावी कारवाई करण्याची विशेष मोहिम सुरु राहिल. असे पोलीस अधीक्षक महेंद्र पंडित यांनी सांगितले.</p><p>सदरची कारवाई पोलीस अधीक्षक महेंद्र पंडित, अपर पोलीस अधीक्षक विजय पवार यांच्या मार्गदर्शनाखाली स्थानिक गुन्हे अन्वे. शाखेचे पोलीस निरीक्षक विजयसिंग राजपुत व त्यांच्या पथकाने केली आहे.</p>
