नंदुरबार जिल्हयातील 149 रुग्ण करोनामुक्त

नंदुरबार - Nandurbar - प्रतिनिधी :

जिल्हयात आज तब्बल 149 जण करोनामुक्त झाल्याने त्यांना कोविड कक्षातून डिस्चार्ज देण्यात आला असून नवे 44 रुग्ण आढळून आले आहेत.

. नंदुरबार जिल्हयात आतापर्यंत 39 हजार 465 संशयित रुग्णांची कोविड तपासणी करण्यात आली आहे. त्यापैकी 31 हजार 477 रुग्णांचा अहवाल निगेटीव्ह आला आहे.

7 हजार 343 रुग्ण कोरोनाबाधीत आढळून आले आहेत. आज जिल्हयातील तब्बल 149 रुग्ण कोरोनामुक्त झाल्याने त्यांना कोविड कक्षातून डिस्चार्ज देण्यात आला.

. त्यात नंदुरबार तालुक्यातील 30, शहादा तालुक्यातील 88, अक्कलकुवा तालुक्यातील 7, नवापूर तालुक्यातील 14, तळोदा तालुक्यातील 7, तर धडगाव तालुक्यातील 3 रुग्णांचा समावेश आहे. आतापर्यंत 6 हजार 695 रुग्ण करोनामुक्त झाले आहेत.

दरम्यान, आज जिल्हयात 44 नवे कोरोना रुग्ण आढळून आले आहेत. त्यात नंदुरबार तालुक्यातील 15, शहादा तालुक्यातील 18, नवापूर तालुक्यातील 5, तळोदा तालुक्यातील 3 तर अक्कलकुवा तालुक्यातील दोन रुग्णांचा समावेश आहे.