<p><strong>नंदुरबार | प्रतिनिधी</strong></p><p>येथील नगरपालिकेच्या सन २०२१-२२ या वित्तीय वर्षासाठी १२१ कोटी ८६ लाख ८६ हजार ६८६ रुपयांच्या अंदाजपत्रकास मंजूरी देण्यात आली आहे. यात ४७ कोटीची कामे शासकीय अनुदान अंशदानमधील विकास कामांचा समावेश आहे.</p>.<div><blockquote>या अंदाजपत्रकास आरोग्यदृष्टया विशेष भाग म्हणुन कोविड -१९ विषाणुच्या प्रादुर्भावामुळे पसरलेली रोगराई नियंत्रित करण्यासाठी १ कोटी रुपयांची उपयायोजना करण्यासाठी विशेष तरतुद करण्यात आली आहे. तसेच जोपर्यंत सर्वसामान्य नागरीकाना कोविड -१९ ची लस मिळत नाही तो पर्यत मी कोविड -१९ ची लस घेणार नाही. आगामी वर्षाच्या अंदाजपत्रकात कोणतीही करवाढ न करता, नागरीकांचे हित पाहता सर्व सुविधा युक्त अंदाजपत्रक तयार करण्यात आले आहे. अंदाजपत्रकात केलेल्या तरतुदी या आगामी वर्षात पूर्ण केल्या जाण्याचा परिपूर्ण प्रयत्न केला जाईल. कोणतीही तरतूद अपूर्ण राहणार नाही.</blockquote><span class="attribution">- सौ.रत्ना रघुवंशी, नगराध्यक्षा, नंदुरबार नगरपरिषद</span></div>. <p>याशिवाय दारिद्रय रेषेखालील नागरिकांना कोविड लस मोफत देण्यासाठी व बायोगॅस प्रकल्पासाठी प्रत्येकी १ कोटी रुपयांची तरतूद करण्यात आली आहे.</p><p>येथील पालिकेची स्थायी समितीची सभा काल नगराध्यक्षा सौ.रत्ना रघुवंशी यांच्या अध्यक्षतेखाली पार पडली. यात सन २०२१-२०२२ या वित्तिय वर्षासाठी १२१ कोटी ८६ लाख, ८६ हजार, ६८६ रुपयांच्या अंदाजपत्रकास मंजूरी देण्यात आली. १४ लाख ८६ हजार ६८६ रुपये शिल्लक रकमेचे अंदाजपत्रक राहणार आहे.</p><p>सुवर्ण जयंती अंतर्गत दारिद्र रेषे खालील नागरीकांना कोविड लस मोफत देण्यासाठी १ कोटी, मोहल्ला क्लिनिक योजनेसाठी ५ लाख, डायलेसिस सेंटर व पॅथोलिजी लॅबसाठी १० लाख, नविन अग्नीशमन वाहन खरेदीसाठी १ कोटी,</p><p>वृक्षारोपण करणे व वनसंवर्धन करण्यासाठी १५ लाख, सांस्कृतिक कार्यक्रमासाठी ४ लाख, रोग प्रतिबंध जंतूनाशके खरेदी करण्यासाठी २० लाख, महिला व बाल विकास कामांसाठी ४० लाख, वाचनालय व ई लायब्ररीसाठी ५ लाख, चौक सुशोभीकरण करण्यासाठी ३० लाख,</p><p>पशु गणना व इतर शासकीय कामासाठी १० लाख, नगरपालिका कर्मचारी पगार पेन्शनसाठी २३ कोटी, प्रशासकीय कामकाजाकरीता ४.५० कोटी, नविन प्रशासकीय इमारत बांधण्यासाठी ५ कोटी, बायोगॅस प्रकल्प राबविण्यासाठी १ कोटी, क्रीडा व युवक कल्याणासाठी १० लाख,</p><p>दैनदिन पाणीपुरवठा जलशुध्दी करण योजनेसाठी ३ कोटी, विद्युत विभागासाठी २ कोटी, डांबरी रस्ते खडी रस्ते सिमेंन्ट रस्ते बांधण्यासाठी ६ कोटी, तसेच शासकीय अनुदान अंशदान मधुन विकास कामे करण्यासाठी ४५ कोटी आदी कामांचा या अंदाजपत्रकात समावेश आहे.</p>
