<p>चाळीसगाव chalisgaon प्रतिनिधी-</p><p>तालुक्यातील उपखेड शिवारात अवैद्य वाहतुक करणारे ट्रॅक्टर महसूल प्रशासनाच्या पथकाने पकडले, परंतू अंधाराचा फायदा घेवून वाळू भरलेले ट्रॅक्टर पळून नेण्यात चालक यशस्वी झाला. याप्रकरणी चाळीसगाव मेहुणबारे पोलीस स्टेशनला चालक व मालकाविरोधात गुन्हां दाखल करण्यात आला आहे.</p>.<p> नायब तहसीलदार विशाल सोनवणे यांना दि,७ रेज रात्री १० वाजेच्या सुमारास गुप्त माहिती दिली की, उपखेड येथील ग्रा.सदस्य संजय साहेबराव मगर व माजी उपसरपंच संदिप विक्रम पाटील यांनी उपखेड शिवरात शाकिनालाच्या काढावर वाळूने भरलेले ट्रॅक्टर, ट्रॉली पकडले आहे.</p><p> त्यानतंर विशाल सोनवणे, मंडळ आधिकारी योगेश प्रकाश सोनवणे, तलाठी गणेश गढरी, तलाठी आनंद शिंदे आदिचे पथक शाकिनालाच्या काठावर पोहचले, याठिकाणी एक विनाक्रमांकाचे लाल रंगाचे ट्रॅक्टर व वाळू भरलेली ट्रॉली दिसली. यावेळी पथकाने चालकास विचारांना केली असता, तेथून त्यांने काही एक उत्तर न देता ट्रॅक्टरसह पळ काढला. पथकाने त्यांचा पाठलाग करण्याचा प्रयत्न केला.</p><p> परंतू नाल्याला पाणी असल्याने, ट्रॅक्टरला पकडणे शक्य झाले नाही. त्यानतंर पथकाने ट्रॅक्टरबाबत माहिती जानून घेतली असता, ते आनंद तुकाराम मगर रा.उपखेड व महेश देसले रा.देवघट ता.मालेगांव यांच्या मालकीचे असल्याची माहिती मिळाली. याप्रकरणी नायब तहसीलदार विशाल सोनवणे यांच्या फिर्यांदीवरुन अज्ञात ट्रॅक्टर चालक व व मालक आनंद तुकाराम मगर, महेश देसले यांच्या विरोधात गुन्हां दाखल करण्यात आला आहे. पुढील तपास पोलीस करीत आहेत.</p>
