<p><strong>भुसावळ (प्रतिनिधी) bhusawal- </strong></p><p>येथील आठवडे बाजारत गेलेल्या महिलेची ३ हजार रुपयांचा ऐवज असलेली पर्स अज्ञात चोरट्याने लांबविल्याची घटना दि.२९ रोजी दुपारी ४ वाजेच्या सुमारास घडली.</p>.<p>बाजारपेठ पोलिसांकडून मिळालेल्या माहितीनुसार, निलीमा संजय पाटील (रा. मुंबई) या येथील रविवारच्या आठवडे बाजारात गेल्या असता त्यांच्या हातातील बॅगेत त्यांनी त्यांची पर्स ठेवली होती. त्या ती पर्स अज्ञात चोरट्याने लांबविली. त्यात आधारकार्ड, पॅनकार्ड, एटीएम सह तीन हजारांची रोकड होती.</p><p>पर्स चोरी झाल्याचे लक्षात येताच परिसरात शोध घेतला असता पर्स मिळून आली नाही. याबाबत बाजारपेठ पोलिसात निलीमा पाटील यांच्या फिर्यादीवरुन अज्ञात चोरट्याविरुद्ध गु.र.नं. ९५०/२०, भा.दं.वि. ३७९ प्रमाणे गुन्हा दाखल करण्यात आला असून तपास पो.नि. दिलीप भागवत यांच्या मार्गदर्शनाखाली पो.ना. दीपक जाधव करित आहे.</p>
