<p><strong>चाळीसगाव chalisgaon प्रतिनिधी</strong></p><p> तालुक्यातील ढोमणे गावाला पाणीपुरवठा करणारी २५ वर्षांपूर्वीची पाईपलाईन खराब झाल्याने पाणी असून देखील नळाद्वारे पाणीपुरवठा करता येत नव्हता. त्यामुळे ढोमणे ग्रामस्थांना मोठ्या प्रमाणात पाणीटंचाईला सामोरे जावे लागत होते. याबाबत ढोमणे येथील समाजसेवक तथा विविध कार्यकारी सोसायटीचे चेअरमन किशोर पाटील, सरपंच मालुताई किशोर पाटील व मार्केट कमिटी सदस्य विश्वजीतभैय्या पाटील व स्थानिक भाजपा पदाधिकारी यांनी आमदार मंगेश चव्हाण यांच्या निदर्शनास ही बाब आणून दिली असता आमदार मंगेश चव्हाण यांनी आपल्या आमदार स्थानिक विकास निधीतून जुनी पाणीपुरवठा पाईपलाईन बदलून, त्याजागी नवीन पाइपलाईन कार्यरत करण्यासाठी ८ लाख रुपये निधी उपलब्ध करून दिला. त्यामुळे ढोमणे गावाची पाणी प्रश्न मिटणार असून प्रत्येक घरी नळाचे पाणी येणार असल्याने ग्रामस्थांमध्ये आनंदाचे वातावरण आहे.</p> .<p>नवीन पाईन लाईनचे कामाचे भूमिपूजन नुकतेच आमदार मंगेश चव्हाण यांच्याहस्ते संपन्न झाले. यावेळी कृषी उत्पन्न बाजार समितीचे माजी संचालक विश्वजीत पाटील, न्हावे ढोमणे गृपचे समाजसेवक किशोरभाऊ पाटील, आर.डी.पाटील, वडाळ्याचे रवी आमले, उपसरपंच दीपक पाटील, ग्रा.पं.सदस्य वासुदेव पाटील, भाऊसाहेब पाटील, प्रकाश पाटील, डॉ.गोरख पाटील, मुकुंदा पाटील, संजय पाटील, सुदाम सोनवणे, भगवान सोनवणे, सुनील पाटील, शांताराम पाटील, ग्रामसेवक एच. आर.पाटील, बारकू सोनवणे, सोनू सोनवणे आदी उपस्थित होते.</p>
