<p><strong>जळगाव । प्रतिनिधी Jalgaon</strong></p><p>जिल्ह्यात कोरोनाचा आलेख दिवसेंदिवस वाढताच असून कोरोनाने चारशेचा आकडा पार केला आहे. आज 28 फेब्रुवारी रोजी कोरोनाचे नवे 408 रुग्ण आढळून आले असून आतापर्यंत एकूण कोरोना बाधितांची संख्या 60 हजार 878 एवढी झाली आहे.</p>.<p>दिवसभरात एका बाधिताचा मृत्यू झाला आहे. दुसरीकडे 143 जण कोरोनामुक्त झाले आहेत. जळगाव शहरात सर्वाधिक 191 बाधित रुग्णांचा समावेश आहे.</p><p>जिल्ह्यात नव्याने आढळलेल्या रुग्णांमध्ये जळगाव शहर 191, जळगाव ग्रामीण 4, भुसावळ 21, अमळनेर 20, चोपडा 53, पाचोरा 13, भडगाव 5, धरणगाव 9, यावल 2, एरंडोल 3, जामनेर 33 , रावेर 7, पारोळा 12, चाळीसगाव 15, मुक्ताईनगर 18 आणि इतर जिल्ह्यातील 2 असे एकूण 408 नवे रुग्ण आढळून आले आहेत. आज रविवारी जळगाव शहरातील एका बाधिताचा मृत्यू झाला आहे.</p><p>जिल्ह्यात आतापर्यंत 56 हजार 988 जणांनी कोरोनावर मात केली आहे . तर दुसरीकडे आतापर्यंत 1 हजार 385 बाधित रुग्णांचा मृत्यू झाल्याची नोंद आहे, अशी माहिती जिल्हा शल्यचिकित्सक डॉ. नागोराव चव्हाण यांनी दिली आहे.</p>
