<p><strong>जळगाव - Jalgaon</strong></p><p>ग.स.सोसायटीत पैसे भरण्यासाठी आलेल्या शेतकर्याची दुचाकी गोलाणी मार्केट येथून लांबविल्याची घटना बुधवारी दुपारी घडली. आज गुरूवार ११ मार्च रोजी शहर पोलीसात अज्ञात चोरट्यांविरूध्द गुन्हा दाखल करण्यात आला आहे.</p>.<p>दिनकर दत्तात्रय पाटील रा. अहिरे बु ॥ ता. धरणगाव हे कर्जाचा हप्ता भरण्यासाठी १० मार्च रोजी दुपारी १ वाजता आला शहरातील गोलाणी मार्केट येथे आले होते. त्यांनी हनुमान मंदीराजवळ ऑप्लिटक गॅलरी दुकानासमोरील इलेक्ट्रिक डिपीसमोर आपली दुचाकी (क्रमांक एमएच १९ एआर १८६१) पार्किंगला लावली.</p><p> ग.स. सोसायटीत पैसे भरल्यानंतर ते दुचाकीजवळ आले. त्यावेळी त्यांची दुचाकी जागेवर मिळून आली नाही. गोलाणी मार्केटचा परिसरात शोध घेतला असता दुचाकी मिळाली नाही. आज सकाळी शहर पोलीसात दुचाकी चोरीची माहिती दिली. </p><p>दिनकर पाटील यांच्या फिर्यादीवरून शहर पोलीसात चोरट्यांविरूध्द गुन्हा दाखल करण्यात आला आहे. पुढील प्राथमिक तपास पोहेकॉ प्रफुल्ल धांडे करीत आहे.</p>
