<p><strong>जळगाव - Jalgaon :</strong> </p><p>जिल्हा कारागृहातील रघुनाथ लोटू इंगळे( 59) या बंद्याचा मंगळवारी दुपारी चार वाजता गोदावरी रुग्णालयात उपचार सुरू असताना मृत्यू झाला.</p>.<p>रघुनाथ इंगळे यांच्याविरुद्ध सावदा पोलिस ठाण्यात बाल लैंगिक अत्याचार (पोस्को) अंतर्गत गुन्हा दाखल होता. या गुन्ह्यात तो न्यायालयीन कोठडीत होता.</p><p>कारागृहात असतांना रघुनाथ इंगळे या बंद्यांची १ जानेवारी रोजी त्याची प्रकृती बिघडल्याने कारागृह प्रशासनाने त्याला साकेगाव येथील गोदावरी वैद्यकीय महाविद्यालय व रुग्णालयात दाखल केले होते .</p>.<p>मंगळवारी उपचार सुरू असतांना चार वाजता मृत्यू झाला. दरम्यान, बुधवारी सकाळी इन कॅमेरा शवविच्छेदन केले जाणार आहे, त्यानंतरच मृत्यूचे नेमके कारण स्पष्ट होईल अशी माहिती सूत्रांनी दिली आहे.</p>
