<p><strong>भुसावळ - प्रतिनिधी Bhusawal</strong></p><p>देशातील १० प्रमुख केंद्रीय कर्मचारी महासंघाद्वारे व रेल्वे, संरक्षण, बिमा, इन्कम टैक्स, बैंक, टपाल, अन्य केंद्रीय कर्मचार्यांच्या महासंघाद्वारे स्थापित एनजेसीए (नॅशनल जॉईंट कॉन्सील फॉर एक्शन) द्वारा देशव्यापी १ दिवसीय कॉल अटेन्शन डे पाळण्यात येणार आहे. १ फेब्रुवारी रोजी केंद्र सरकारद्वारे सादर करण्यात येणार्या बजेट मधील देशातील रेल्वे, संरक्षण आदिंचे सरकारद्वारा निगमिकरण करण्याचे प्रस्ताव रद्द करण्यासह विविध मागण्यांसाठी येथील आयुध निर्माणी गटे समोर १ रोजी सकाळी निदर्शने करण्यात येणार अहे.</p>.<p> केंद्रीय कर्मचारी महासंघद्वारे व एनजेसीचे निर्देश व संरक्षण क्षेत्रातील तीन्ही फेडरेशनच्या संयुक्त समितीद्वारे निर्देशित देशव्यापी १ दिवसीय ‘कॉल अटेन्शन डे’ साजरा करण्यात येणार आहे. सर्व कर्मचारी सकाळी मुख्य गेटवर जमुन निदर्शने करतील व संरक्षणचे निगमिकरण प्रस्ताव रद्द करण्यासाठी सरकारचे लक्ष वेधण्याचा प्रयत्न करणार आहेत. संरक्षणमध्ये कार्यरत आयडीईएफ, आयएनडीडब्ल्यूएफ, बीपीएमएसचे संयुक्त राष्ट्रीय समितीच्या आदेशा नुसार हा कार्यक्रम होणार असुन प्रशासनास आवश्यक माहिती व पाठपुरावा केला असुन सर्व कामगारांना मोठ्या संख्येने उपस्थित राहण्याचे आवाहन स्थानिक संयुक्त समितीचे संयोजक दिनेश राजगिरे यांनी केले आहे.</p>.<p><strong>अशा आहेत मागण्या</strong> </p><p>निगमीकरणाचे प्रस्ताव रद्द करणे, जानेवारी २००४ पासुन लागू नवी पेन्शन रद्द करणे, ७ वे वेतन आयोगातील त्रुटी दुर करणे, संरक्षण विभागात १०० टक्के अनुकंपा भरती करणे, रिक्त जागा भरणे, अन्य १३ सुत्री मागण्या असल्याने संरक्षण मधिल अग्रणी ऑल इंडिया डिफेंन्स एम्लॉईज फेडरेशन समेत इंटक व बिपीएमएस सहभागी होणार असल्याची माहिती आयडीईएफचे उपाध्यक्ष व कामगार नेते राजेंद्र झा यांनी दिलीे.</p>
