<p><strong>नंदुरबार - Nandurbar - प्रतिनिधी :</strong></p><p>नंदुरबार जिल्ह्यात काल तीन मोटरसायकल चोरी घटना घडली आहे. याप्रकरणी विविध पोलीस ठाण्यात अज्ञातांविरूध्द गुन्हा दाखल करण्यात आला आहे. </p>.<p>याबाबत पोलीस सुत्रांनी दिलेल्या माहितीनुसार, नंदुरबार शहरातील मनोज चुनिलाल तांबोळी यांची 20 हजार रूपये किंमतीची मोटरसायकल (क्र.एम.एच.39-एम.0474) अज्ञात चोरटयांनी नवजीवन बियरबारसमोरून लंपास केली.</p><p> याप्रकरणी मनोज तांबोळी यांच्या फिर्यादीवरून अज्ञात चोरटयाविरूध्द नंदुरबार शहर पोलीस ठाण्यात गुन्हा दाखल करण्यात आला आहे.</p>.<p>याप्रकरणी पुढील तपास पोहेकॉ रविंद्र पवार करीत आहेत. तर दुसर्या घटनेत शहादा येथील शिवसुंदरमध्ये राहणार्या सी.कुमेश यांच्या राहत्या घराच्या अंगणातून 1 लाख 42 हजार रूपये किंमतीची मोटरसायकल (क्र.ए.पी.03-सी.यु. 4222) व 52 हजार रूपये किंमतीचा मोटरसायकल (क्र.एम.एच.39-ए.जी.8466) या दोन मोटरसायकल लंपास केल्या.</p><p>याप्रकरणी सी.कुमेश यांच्या फिर्यादीवरून शहादा पोलीस ठाण्यात अज्ञात चोरटयाविरूध्द गुन्हा दाखल करण्यात आला आहे. याप्रकरणी पुढील तपास पोहेकॉ मेहरसिंग वळवी करीत आहेत.</p>
