ऑनलाइन युपीआय पद्धतीने भरता येणार मनपाचे कर

महापौरांनी दिलेल्या पत्राची बँकेकडून दखल
ऑनलाइन युपीआय पद्धतीने भरता येणार मनपाचे कर
जळगाव शहर महानगरपालिका जळगावJalgaon Municipal Corporation

जळगाव - Jalgaon - प्रतिनिधी :

मनपात वेगवेगळ्या करांचा भरणा करण्यासाठी ऑनलाईन युपीआय सेवा उपलब्ध नसल्याने नागरिकांची गैरसोय होत होती.

नागरिकांच्या सोयीसाठी आणि मनपाच्या हितासाठी युपीआय सेवा उपलब्ध करून द्यावी असे पत्र महापौर जयश्री महाजन यांनी आयसीआयसीआय बँकेला दिले होते.

महापौरांच्या पत्राची दखल घेत रविवारी दिवसभर काम करून सोमवारपासून युपीआयची सेवा कार्यान्वित करण्यात आली आहे.

शहरात करोनाचा प्रादुर्भाव वाढला असून दररोज रुग्ण संख्या देखील वाढत आहे. देशात सर्वत्र लॉकडाऊन सुरु असल्यामुळे जळगांव शहर महानगरपालिकेसह अनेक शासकिय कार्यालयात नागरीकांना येणे-जाणेस प्रतिबंध करण्यात आलेला आहे.

परिणामी वसुली अभावी जळगांव शहर महानगरपालिकेच्या आर्थिक स्थितीवर विपरीत परिणाम होत आहे.

याकरीता जळगांव शहर महानगरपालिकेने देखिल इतर शासकिय कार्यालयांप्रमाणे युपीआयच्या धर्तीवर गुगल पे, पे फोन यांच्या माध्यमातून कराची रक्कम स्विकारणे गरजेचे झालेले होते तसेच अश्या अदायगीव्दारे नागरीकांना देखिल कमिशन, टॅक्स याचा अतिरिक्त भुर्दंड होत नाही.

त्यामुळे या सेवा कार्यान्वीत करणे बाबत सतत मागणी होत होती. त्यामुळे जळगाव शहर मनपाची युपीआय सेवा सुरू करावी, असे पत्र महापौर जयश्री महाजन यांनी दिले होते.

सुट्टीच्या दिवशीही घेतली दखल

गेल्या आठवड्यात सर्व बँकासह इतर आस्थापनांना बर्‍याचश्या शासकिय सुट्या होत्या. अश्या प्रसंगी युपीआय सेवा जळगांव शहर महानगरपालिकेत कार्यान्वीत करणे शक्य नव्हते.

महापौरांच्या पत्राची दखल घेत सुट्टी असतानाही आय.सी.आय.सी.आय. बँकेतील अधिकारी, कर्मचारी रिलेशशिप ऑफिस विशाल रामराव सरप, शाखा व्यवस्थापक रविंद्र जोशी, विभागीय अधिकारी देवेंद्र जंजाळे यांनी शनिवार, रविवार या सुटीच्या दिवशी संपूर्ण कार्यवाही पुर्ण करुन सोमवारी कार्यालयीन वेळेत सुमारे सकाळी 11 वाजेला जळगाव शहराच्या सेवेत युपीआयाव्दारे मालमत्ता कराचा भरणा करण्याची प्रक्रिया सुरु करुन दिली.

नागरिकांना ऑनलाईन कराचा भराणा करण्यासाठी सोयी सुविधा उपलब्ध करण्यासाठी सुटीचा दिवस असतांनादेखील बँकेने पुढाकार घेतला. तसेच तात्काळ युपीआयची सेवा उपलब्ध करुन दिल्याने महापौरांनी बँकेचे आभार मानले.

Latest Marathi News, Marathi News Paper, Breaking News In Marathi, Marathi Batmya Live
www.deshdoot.com