सट्टा खेळणार्‍यांवर डीवायएसपींची धाड

जळगाव - Jalgaon - प्रतिनिधी :

शहरातील हरीविठ्ठल नगरच्या रेल्वे लाईनजवळील मोकळ्या जागेवर बेकायदेशीर सट्टा खेळणार्या चार जणांवर रामानंदनगर पोलीसांनी धाड टाकली.

. यात 8 हजार 760 रूपयांचा मुद्देमाल हस्तगत केला असून रामानंदनगर पोलीस ठाण्यात गुन्हा नोंदविण्यात आला आहे.

शहरातील हरिविठ्ठलनगर जवळील रेल्वे पटरीजवळील मोकळ्या जागेत सट्टा खेळवित असल्याची माहिती सहाय्यक पोलीस अधिक्षक कुमार चिंथा यांना मिळाली.

त्यांनी पोउनि सुनिल पाटील यांच्या मार्गदर्शनाखाली पो.कॉ. भरत बाविस्कर, किरण पाटील, शुभम बाविस्कर, रविंद्र महाजन, रमेश खोळपे, गोविंदा सुरवाडे, पोकॉ रविंद्र मोतीराया यांचे पथक तयार करीत रवाना केले. या पथकाने दुपारी 12.30 वाजेच्या सुमारास सट्टा खेळणार्यांवर धाड टाकीत कारवाई केली.

. चार जणांकडून 9 हजाराचा मुद्देमाल हस्तगत

या कारवाईत निखील सुरेश पाटील (वय-34) रा. खोटेनगर, सतिश सुरेशसिंग पाटील (वय-38) , अफजलखान इब्राहिम खान (वय-35) आणि ज्ञानेश्वर फुलसिंग पाटील (वय-38) तिघे रा. खंडेराव नगर यांच्यावर कारवाई करण्यात आली आहे.