<p><strong>जळगाव - Jalgaon :</strong></p><p>शहरातील सानेगुरूजी कॉलनीत आईला भेटीसाठी आलेल्या ठाणे येथील सुलोचना विश्वासराव पाटील वय ६५ या महिलेची पायी चालत असतांना ,</p>.<p>गळ्यातील सोन्याची पोत व मंगलसूत्र १ लाख ४४ हजारांची मंगलपोत चोरट्याने हिसकावून पळ काढल्याची घटना २८ डिसेंबर रोजी सायंकाळी ५.२० वाजेच्या सुमारास घडली. याप्रकरणी रामानंदनगर पोलिसात गुन्हा दाखल करण्यात आला आहे.<br><br>ठाणे येथे सुलोचना विश्वासराव पाटील या मुलगा डॉ. योगानंद पाटील, सून डॉ. ललीता पाटील, व नातवंडासह वास्तस्यास आहेत. २७ डिसेंबर रोजी त्या परिवारासह जळगाव जिल्हयात एरंडोल येथे शेती असल्याने त्या बघण्यासाठी आल्या होत्या.</p>.<p>२८ डिसेंबर रोजी सायंकाळी ५.२० वाजेच्या सुमारास सुलोचना ह्या जळगाव शहरातील सानेगुरूजी कॉलनी येथ राहत असलेल्या त्याच्या आई निलावंती कृष्णा पाटील यांना भेटण्यासाठी आल्या.</p><p>यावेळी चारचाकीतून उतरल्यानंतर त्यांचा मुलगा हा गावात निघून गेला. यावेळी सुलोचना ह्या सानेगुरूजी गार्डन जवळून जात असतांना त्याच्या पाठीमागून अंदाजे ३० ते ३५ वर्षाचा चोरटा आला.</p>.<p>त्याने सुलोचना याच्या गळ्यातील ९६ हजार रुपयांची दोन तोळ्याची सोन्याची पोत व ४८ हजार रुपयांचे एका तोळ्याचे सोन्याचे मंगळसूत्र जबरीने तोडून एकूण १ लाख ४४ हजार रुपयांचा ऐवज लांबविला.</p><p>यानंतर चोरटा काही अंतरावर उभ्या असलेल्या विना क्रमांकाच्या दुचाकीवर बसून पसार झाला. याप्रकरणी सुलोचना पाटील यांच्या फिर्यादीवरुन रामानंदनगर पोलिसात गुन्हा दाखल करण्यात आला आहे.</p>
