दुसर्‍या लाटेतील सर्वाधिक कमी रुग्णांची नोंद

जिल्ह्यात 15 नवे बाधित तर 60 करोनामुक्त; अ‍ॅक्टिव्ह रुग्णांची संख्या 664
दुसर्‍या लाटेतील सर्वाधिक कमी रुग्णांची नोंद

जळगाव - Jalgaon - प्रतिनिधी :

जिल्ह्यात गेल्या काही दिवसांपासून करोनाबाधित रुग्णांच्या संख्येत घट होत आहे. पहिल्या लाटेत 26 जानेवारी रोजी सर्वात कमी 11 रुग्णांची नोंद करण्यात आली होती.

आता दुसर्‍या लाटेतील सर्वात कमी केवळ 15 नवे बाधितांची नोंद करण्यात आली आहे. तसेच 60 रुग्ण कोरोनामुक्त झाले असून दिवसभरात एकाही बाधिताचा मृत्यू झाला नाही. जिल्ह्यात सद्यस्थितीला अ‍ॅक्टिव्ह रुग्णांची संख्या ही 664 वर पोहचली आहे.

जिल्ह्यात नवीन आढळून आलेल्या बाधितांमध्ये जळगाव शहर 5, जळगाव ग्रामीण 0, भुसावळ 0, अमळनेर 0, चोपडा 0, पाचोरा 0, भडगाव 1, धरणगाव 1, यावल 0, एरंडोल 0, जामनेर 0, रावेर 0, पारोळा 2, चाळीसगाव 6, मुक्ताईनगर 0, बोदवड 0 व इतर जिल्ह्यातील 0 असे एकूण 15 रुग्णांचा समावेश आहे.

जिल्ह्यात एकूण कोरोनाबाधिताची संख्या 1 लाख 42 हजार 309 एवढी झाली आहे. तर 1 लाख 39 हजार 75 एवढ्या रुग्णांनी आजपर्यंत कोरोनावर मात केली असल्याची माहिती जिल्हा शल्यचिकित्सक डॉ. नागोराव चव्हाण यांनी दिली आहे.

जिल्ह्यात एकही मृत्यूू नाही

गेल्या काही महिन्यांपासून मृत्यू होणर्‍यांची संख्या दिवसेंदिवस वाढत होती. मात्र आता मृत्यू होणार्‍यांची संख्या कमी होत असून बुधवारी जिल्ह्यात एकाही बाधिताचा मृत्यू झाला नसून आजपर्यंत मृत्यू होणार्‍यांची संख्या ही 2 हजार 570 इतकी झाली आहे.

जिल्ह्यात 664 अ‍ॅक्टिव्ह रुग्ण

जिल्ह्यात बाधितांपेक्षा बरे होणार्‍याची संख्या तीन पट अधिक आहे. आज दिवसभरात 60 रुग्ण कोरोनामुक्त झाले असून सद्याच्यास्थितीला जिल्ह्यात 664 अ‍ॅक्टिव्ह रुग्ण उपचार घेत असल्याची माहिती जिल्हा शल्यचिकीत्सक यांनी दिली.

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com