<p><strong>जळगाव - Jalgaon - प्रतिनिधी :</strong></p><p> जिल्ह्यात आज 29 जानेवारी रोजी नव्याने 35 कोरोनाबाधित रुग्ण आढळून आले .एकूण कोरोना बाधितांची संख्या 56 हजार 976 एवढी झाली आहे. </p>.<p>आज दिवसभरात एकाही बाधिताचा मृत्यू झाला नसून 40 जण कोरोनामुक्त झाले आहेत. तसेच आज जिल्ह्यातील तेरा केंद्रावर 602 आरोग्य कर्मचार्यांनी लस टोचून घेतली.</p><p>जिल्ह्यात जळगाव ग्रामीण, अमळनेर, चोपडा, पाचोरा, भडगाव, धरणगाव, यावल, एरंडोल, मुक्ताईनगर, बोदवड या तालुक्यांमध्ये एकही रुग्ण आढळून आलेला नाही.</p>.<p>जिल्ह्यात आतापर्यंत 55 हजार 270 जणांनी करोनावर मात केली आहे . तर दुसरीकडे आतापर्यंत 1 हजार 355 बाधित रुग्णांचा मृत्यू झाल्याची नोंद आहे.</p><p>जिल्ह्यात नव्याने आढळलेल्या रुग्णांमध्ये जळगाव शहर 12, भुसावळ 9, जामनेर 1, रावेर 3, पारोळा 1, चाळीसगाव 7 व इतर जिल्ह्यातील 2 असे एकूण 35 नवे रुग्ण आढळून आले आहेत. अशी माहिती जिल्हा रुग्णालयाचे शल्य चिकित्सक डॉ. नागोराव चव्हाण यांनी दिली आहे.</p>.<p><strong>जिल्ह्यात 602 जणांनी घेतली लस</strong></p><p>जिल्ह्यातील तेरा केंद्रावर आज लसीकरणाची मोहिम पार पडली. यामध्ये शासकीय वैद्यकीय महाविद्यालय 80, जामनेर 60, चोपडा 74, मुक्ताईनगर 34, चाळीसगाव 33, पारोळा 11, भुसावळ 38, अमळनेर 41, पाचोरा 25, रावेर 38, यावल 27, डी. बी. जैन रुग्णालय जळगाव 70, गोल्डसिटी जळगाव 71 असे एकूण 602 जणांनी लस टोचून घेतली. आतापर्यंत 5 हजार 555 जणांनी लसीकरणाचा लाभ घेतला असल्याचे शल्यचिकीत्सकांनी सांगितले.</p>
