<p><strong>जळगाव - Jalgaon - प्रतिनिधी :</strong></p><p>जिल्ह्यात आज 18 जानेवारी रोजी नव्याने 42 करोनाबाधित रुग्ण आढळून आले.असून एकूण करोना बाधितांची संख्या 56 हजार 659 एवढी झाली आहे.</p>.<p>चिंताजनक बाब म्हणजे आज दिवसभरात 1 बाधिताचा मृत्यू झालेला आहे. तर दुसरीकडे 30 जण करोनामुक्त झाले आहेत.</p><p>जिल्ह्यात जळगाव ग्रामीण, पाचोरा, भडगाव, एरंडोल, जामनेर, रावेर, पारोळा, बोदवड या तालुक्यामध्ये एकही रुग्ण आढळून आलेला नाही.</p>.<p>जिल्ह्यात आतापर्यंत 54 हजार 812 जणांनी कोरोनावर मात केली आहे . तर दुसरीकडे आतापर्यंत 1 हजार 345 बाधित रुग्णांचा मृत्यू झाल्याची नोंद आहे.</p><p>जिल्ह्यात नव्याने आढळलेल्या रुग्णांमध्ये जळगाव शहर 21, भुसावळ 1, अमळनेर 3, चोपडा 1, धरणगाव 1, यावल 1, चाळीसगाव 13, मुक्ताईनगर 1 असे एकूण 42 नवे रुग्ण आढळून आले आहेत. सोमवारी दिवभरात जळगाव शहरातील एका बाधिताचा मृत्यू झाला आहे. अशी माहिती जिल्हा रुग्णालयाचे शल्य चिकित्सक डॉ. नागोराव चव्हाण यांनी दिली आहे.</p><p><strong>आज पासून लसीकरणाला सुरुवात</strong></p><p>तांत्रीक अडचणींमुळे लसीकरणाची मोहिम दोन दिवस बंद ठेवण्याच्यासुचना शासनाकडून प्राप्त झाल्या होत्या. परंतु आता पुन्हा आजपासून लसीकरणाला सुरुवात होणार असून आज प्रत्येक केंद्रावर 100 जणांना लस दिली जाणार आहे.</p>
