<p><strong>जळगाव - Jalgaon - प्रतिनिधी :</strong></p><p>जिल्ह्यात करोनाच्या रूग्णांमधे वाढ झाली असून 57 नवे रुग्ण आढळून आले आहेत. </p>.<p>आतापर्यत एकूण करोना बाधितांची संख्या 56 हजार 375 पर्यत पोचली आहे. दिवसभरात एका बाधिताचा मृत्यू झालेला आहे.</p><p>तर दुसरीकडे 49 जण करोनामुक्त झाले आहेत. जिल्ह्यात धरणगांव, यावल, जामनेरसह बोदवड तालुक्यांमध्ये एकही रुग्ण आढळून आलेला नाही.</p><p>जिल्ह्यात आतापर्यंत 54 हजार 539 जणांनी कोरोनावर मात केली आहे . तर दुसरीकडे आतापर्यंत 1 हजार 339 बाधित रुग्णांचा मृत्यू झालाची नोंद आहे.</p>.<p>जिल्ह्यात नव्याने आढळलेल्या रुग्णांमध्ये जळगाव शहर 20, जळगाव ग्रामीण 1,भुसावळ 5, अमळनेर 7, चोपडा 9, पाचोरा 1,भडगांव 3, एरंडोल 1, रावेर 2, पारोळा 2, चाळीसगांव 4, मुक्ताईनगर 2 असे एकूण 57 नवे रुग्ण आढळून आले आहेत. </p><p>सोमवारी दिवभरात चोपडा उपजिल्हा रूग्णालयात एका 60वर्षीय पुरूष बाधिताचा मृत्यू झाला असल्याची माहिती जिल्हा रुग्णालयाचे शल्य चिकित्सक डॉ. नागोराव चव्हाण यांनी दिली आहे.</p>
